ରାଜୀବ ଲୋଚନ ମିଶ୍ର27/03/2024 at 10:23 PM
ଗୋପାଳପୁର ୨୭/୩
ଗୋପାଳପୁର ଥାନା ଅନ୍ତର୍ଗତ ସରଧାବାଲି ଠାରେ ଥିବା ଏକ ଆପାଟମେଣ୍ଟରୁ ଏକ ଘରର ତାଲା ଭାଙ୍ଗି ଦୁର୍ବତ୍ତ ମାନେ ସୁନା, ହୀରା ଲୁଟ କରିଥିବା ନେଇ ଥାନାରେ ଲିଖିତ ଅଭିଯୋଗ ହୋଇଛି l ସୂଚନା ପ୍ରକାରେ ଆମ୍ବପୁଆ ସ୍ଥିତ ସରଧାବାଲି ସ୍ଥିତ କନକ୍ଳେବ ଆପାଟମେଣ୍ଟରେ ରହୁଥିବା ଅଭିନାଶ ମହାନ୍ତି ହୋଲି ଅବସରରେ ଦୁଇ ଦିନ ପାଇଁ କୌଣସି କାରଣ ପାଇଁ ବାହାରକୁ ଚାଲି ଯାଇଥିଲେ l ଗତକାଲି ପହଞ୍ଚି ଦେଖିଲା ବେଳେ ଘରର ତାଲା ଭଙ୍ଗା ଯିବା ସହ ଆଲମାରୀ ଭଙ୍ଗା ଯାଇଥିଲା l ସେଥିରେ ଥିବା ୩ ତୁଳା ସୁନା,୧୪ହଜାର ଟଙ୍କାର ହିରା ଚୋରି ହୋଇଥିବା ନେଇ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପ୍ରକାରେ ପୁଲିସ ୧୧୯/୨୪ ମାମଲା ରୁଜୁ କରି ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ସାଇଣ୍ଟିଫିକ ଟିମ ପହଞ୍ଚି ନମୁନା ସଂଗ୍ରହ କରିଛି l ସେହିପରି ନାରାୟଣପୁରରେ ରହୁଥିବା ନାରାୟଣ ସେଠୀ ଦୀର୍ଘ ଦିନ ହେଲା ଘରେ ତାଲା ପକାଇ ବାହାରକୁ ଚାଲି ଯାଇଥିଲେ l ଘରେ ତାଲା ପଡ଼ିଥିବା ଯୋଗୁଁ ଦୁର୍ବତ୍ତ ମାନେ ସୁଯୋଗ ନେଇ ତାଲା ଭାଙ୍ଗି ଘରେ ଥିବା ୧୪ ତୁଳା ସୁନା, ଦେଢ଼ ଲକ୍ଷ୍ୟ ଟଙ୍କା ଲୁଟି ନେଇ ଥାନାରେ ଅଭିଯୋଗ ହୋଇଛି l ପୁଲିସ ୧୧୮/୨୪ ମାମଲା ରୁଜୁ କରି ତଦନ୍ତ କରୁଥିବା ଥାନା ଅଧିକାରୀ ଶରତ କୁମାର ମାହାଲିକ ସୂଚନା ଦେଇଛନ୍ତି l