ରାଜୀବ ଲୋଚନ ମିଶ୍ର

27/03/2024 at 10:23 PM

ଗୋପାଳପୁର,୨୭/୦୩
ଦୀର୍ଘ ମାସ ଧରି ଫେରାର ରହିଥିବା ଆନ୍ତଃ ରାଜ୍ୟ ଗଞ୍ଜେଇ ଚୋରା ଚାଲାଣ କାରୀ କୁ ଗୋଳନ୍ଥରା ପୁଲିସ ସହାୟତା ରେ ତାମିଲନାଡୁ ପୁଲିସ ଗିରଫ କରିଛି।ଗିରଫ ଅଭିଯୁକ୍ତ ଜଣଙ୍କ ଗୋଳନ୍ଥରା ଥାନା ଅନ୍ତର୍ଗତ ହନ୍ତଳୁ ଗ୍ରାମର କେ ହୃଷିକେଶ ରେଡ୍ଡୀ (୨୬ ) ବୋଲି ପୁଲିସ ସୂଚନା ଦେଇଛି। ଅଭିଯୋଗ ଅନୁଯାୟୀ ଗିରଫ ହରିକୃଷ୍ଣ ଗଞ୍ଜେଇ ଚୋରା ଚାଲାଣ କରିବା ମାମଲାରେ ତାମିଲନାଡୁ ପୁଲିସ ଜିଲ୍ଲା ଅନ୍ତର୍ଗତ ଗୁମୁଡିପୁଣ୍ଡି ପୁଲିସ ଥାନାରେ ଏକ ମାମଲା ରୁଜୁ ହୋଇଥିଲା।ଏହା ପର‌ଠାରୁ ହୃଷୀକେଶ ଫେରାର ରହିଥିବା ବେଳେ ଗୋଳନ୍ଥରା ଥାନା ଇଲାକାରେ ରହୁଥିବା ପୁଲିସ ଜାଣିବାକୁ ପାଇଥିଲେ।ଏହା ନେଇ ଆଜି ତାମିଲନାଡୁ ରୁ ଆସିଥିବା ଏକ ପୁଲିସ ଟିମ୍ ସକାଳେ ଗୋଳନ୍ଥରା ଥାନା ରେ ପହଞ୍ଚି ଏ ଏସ ଆଇ କୃତିବାସ ନାୟକ ଓ ରାମଶଙ୍କର ବେହେରା ଙ୍କ ନେତୃତ୍ୱରେ ହୃଷିକେଶ ଙ୍କ ଘରେ ଚଢ଼ାଉ କରି ଗିରଫ କରିବା ସହ ତାମିଲନାଡୁ ପୁଲିସ କୁ ହସ୍ତାନ୍ତର କରିଥିଲେ