ପ୍ରଦୀପ କୁମାର ନାୟକ10/04/2024 at 4:38 AM
ଚିପିଲିମା,ସମ୍ବଲପୁର ମହାନଗର ଅଧିନସ୍ଥ ମିର୍ଗାମୁଣ୍ଡା ରେ ସମାରୋହ ମଧ୍ୟରେ ଷୋହଳ ପ୍ରହରୀ ଅଖଣ୍ଡ ନାମଯଜ୍ଞ ଅନୁଷ୍ଠିତ ହୋଇଯାଇଛି l ଆୟୋଜିତ ନାମଯଜ୍ଞ ରେ ଶୁକ୍ରବାର ପୂର୍ବାହ୍ନ ରେ ରୀତିନୀତିରେ କଳସ ବୁଡାଇଆଣି ଯଜ୍ଞ ମଣ୍ଡପରେ ସ୍ଥାପନ ହୋଇଥିବାବେଳେ, ରାଧାକୃଷ୍ଣଙ୍କ ପୂଜା, ଷଡ଼ବୈଷବ ପୂଜା, ହବନ, ଆରତୀ, ପୁଷ୍ପାଞ୍ଜଳି ପରେ “ମହାମନ୍ତ୍ର ହରେ କୃଷ୍ଣ ହରେ ରାମ “ଆରମ୍ଭ ହୋଇଥିଲା l କର୍ତ୍ତା ଭାବରେ ଯୋଗେଶ ଚନ୍ଦ୍ର ପୁରୋହିତ ସପତ୍ନୀକ ଦାୟିତ୍ୱ ସମ୍ପାଦନ କରିଥିବାବେଳେ, ସମଗ୍ର ପୂଜା କାର୍ଯ୍ୟକୁ ପଣ୍ଡିତ ନିରଞ୍ଜନ ହୋତା ସମ୍ପାଦନ କରିଥିଲେ l ପୂଜା କାର୍ଯ୍ୟ ରେ ରବିନାରାୟଣ ପଣ୍ଡା ସହଯୋଗ କରିଥିଲେ l ନିମନ୍ତ୍ରିତ ଉଦଣ୍ଡ ସଂକୀର୍ତନ୍ୟ ଦଳ ମଧ୍ୟରେ ବରଗଡ଼ ଅଞ୍ଚଳରୁ ରିଜେଇ (ପପଙ୍ଗା ) ଓ ନଘାପାଲି ମହିଳା ସଂକୀର୍ତନ୍ୟ ଦଳ ଯୋଗଦାନ କରିଥିବାବେଳେ, ସମ୍ବଲପୁର ରୁ ବାଉସେନମୁରା (ଧମା )ମହିଳା ସଂକୀର୍ତନ୍ୟ ଦଳ ଯୋଗଦାନ କରି ବୈଠୁକି ପ୍ରଦର୍ଶନ କରିଥିଲେ l ମହିଳା ବୈଠୁକି ସଂକୀର୍ତନ୍ୟ ଦର୍ଶକମାନଙ୍କୁ ବେଶ ବୋମୋହିତ କରିଥିଲା l ଶେଷରେ ଉପସ୍ଥିତ ଦର୍ଶକ ତଥା ଗ୍ରାମବାସୀଙ୍କୁ ଅନ୍ନଭୋଗ ବଣ୍ଟନ କରାଯାଇଥିଲା l ସମସ୍ତ କାର୍ଯ୍ୟକ୍ରମ ରେ ସମସ୍ତ ଆବାଳ, ବୃଦ୍ଧବନିତା, ଯୁବକ ସମେତ ଗ୍ରାମବାସୀ ସହଯୋଗ କରିଥିଲେ l