ରାହୁଲଙ୍କ ହେଲିକପ୍ଟରର ତଲାସି ନେଲେ ନିର୍ବାଚନ ଅଧିକାରୀ, କେରଳ ଗସ୍ତ କରୁଥିଲେ

ଚେନ୍ନାଇ: ସୋମବାର ତାମିଲନାଡୁ ଗସ୍ତରେ ରାହୁଲ ଗାନ୍ଧୀ । ତେବେ ନିର୍ବାଚନ ଆୟୋଗର ଅଧିକାରୀ ରାହୁଲଙ୍କ ହେଲିକପ୍ଟରର ଯାଂଚ କରିଛନ୍ତି । ଆୟୋଗର ଫ୍ଲାଇଙ୍ଗ ସ୍କ୍ୱାଡର ଅଧିକାରୀ ତାମିଲନାଡୁର ନୀଳଗିରିରେ ରାହୁଲଙ୍କ ହେଲିକପ୍ଟରର ତଲାସି ନେଇଛନ୍ତି । ଏହାକୁ ନେଇ ଆନୁଷ୍ଠାନିକ ଭାବେ କିଛି ସୂଚନା ଦିଆଯାଇ ନାହିଁ ।

ଏହାକୁ ନେଇ ଏକ ଭିଡିଓ ସାମ୍ନାକୁ ଆସିଛି । ଏଥିରେ ଦେଖିବାକୁ ମିଳିଛି ଯେ, ଆୟୋଗର ଅଧିକାରୀ ହେଲିକପ୍ଟର ଅବତରଣ କରିବା ମାତ୍ରେ ପହଂଚି ଯାଉଛନ୍ତି । ହେଲିକପ୍ଟରର ଯାଂଚ କରିବା ପରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ବାହାରକୁ ଆସୁଛନ୍ତି । ଏହି ସବୁ ଘଟଣା ପୋଲିସ ଉପସ୍ଥିତିରେ ହୋଇଛି । ଖବର ଅନୁଯାୟୀ, ରାହୁଲ ଜନସଭା ସମେତ ଅନ୍ୟ ନିର୍ବାଚନ କାର୍ଯ୍ୟକ୍ରମ ପାଇଁ ୱାଏନାଡ ଯାତ୍ରା କରୁଥିଲେ । ୨୦୧୯ରେ ରେକର୍ଡ ସଂଖ୍ୟାରେ ନିର୍ବାଚନ ଜିତିବା ପରେ ରାହୁଲ ପୁଣି ଥରେ ୱାଏନାଡରୁ ନିର୍ବାଚନ ଲଢୁଛନ୍ତି ।

#WATCH कांग्रेस नेता राहुल गांधी जिस हेलिकॉप्टर से तमिलनाडु के नीलगिरी पहुंचे, उसकी नीलगिरी में चुनाव आयोग के फ्लाइंग स्क्वाड के अधिकारियों द्वारा जांच की गई।

(वीडियो सोर्स: चुनाव आयोग फ्लाइंग स्क्वाड) pic.twitter.com/pxpkWRm3de

— ANI_HindiNews (@AHindinews) April 15, 2024

କଂଗ୍ରେସ ନେତା ରାହୁଲ ସୋମବାର କୋଝିକୋଡ ପହଂଚିବେ । ସେଠାରେ ଏକ ନିର୍ବାଚନ ରାଲିକୁ ସମ୍ବୋଧିତ କରିବା ପରେ ମଙ୍ଗଳବାର ୱାଏନାଡ ଗସ୍ତ କରିବେ । ପୁଣି ଗୁରୁବାର କନ୍ନୁର, ପଲକ୍କଡ ଓ କୋଟ୍ଟାୟମରେ ନିର୍ବାଚନ ପ୍ରଚାର କରିବେ । ସେ ତ୍ରିଶୂର, ତିରୁଅନନ୍ତପୁରମ ଓ ଅଲାପ୍ପୁଝା ଗସ୍ତ କରିବେ ।