ରେଲୱେ ଜମିଅଧିଗ୍ରହଣ ସମସ୍ଯା ପଞ୍ଚାୟତବାସୀଙ୍କ ରେଲରୋକ ଚେତାବନୀ


ବରପାଲି,୨୬।୪: ବରପାଲି ବ୍ଳକ କଦଲିପାଲି ରେଲୱେ ଲେବଲକ୍ରସିଂ ରାସ୍ତା ଉପରେ ଗଦାଗଦା ମାଟି ପକାଇ ଅବରୋଧ କରାଯାଇଛି। ପୁର୍ବରୁ ମଧ୍ଯ ଗତ ୨୦୨୩ ଅଗଷ୍ଟ ମାସରେ ଚାରି ମାସ ପର୍ଯ୍ଯନ୍ତ ସମ୍ପୁର୍ଣ୍ଣ ଯ୍ବନ୍ଦ ରଖାଯାଇଥିଲା। ପୁର୍ବରୁ ରେଲୱେ ଜମି ଅଧିଗ୍ରହଣ କାର୍ଯ୍ଯକ୍ରମ ଆଲୋଚନା ମାଧ୍ଯମରେ ଏକ ପ୍ରକାର ରେଲୱେ ବିଭାଗ ଦ୍ବାରା ସମାପନ ହୋଇଥିଲା।ହେଲେ ଅଚାନକ ଗତ ସାତ ଦିନ ପୁର୍ବରୁ ରାସ୍ତାକୁ ଜାଣିଶୁଣି ମାଟିପକାଇ ବନ୍ଦ ରଖାଯାଇଛି। ଯାତାୟତରେ ଅସୁବିଧା ସୃଷ୍ଟି ହେବାରୁ ଲେଣ୍ତା ପଞ୍ଚାୟତବାସୀ ରେଲୱେ ଡିଭିଜନ ମେନେଜର ଓ ସ୍ଥାନିୟ ପୋଲିସର ଦୃଷ୍ଟି ଆକର୍ଷଣ ମାଧ୍ଯମରେ ନ୍ଯାୟ ମାଗିଛନ୍ତି। ସେହିପରି ଆସନ୍ତା ୨୮ ତାରିଖ ମଧ୍ଯରେ ସମସ୍ଯାର ସମାଧାନ ନହେଲେ ଆଗାମି ଦିନରେ ରେଲରୋକ ବାଟ ଆପାଣାଇବାକୁ ବାଧ୍ଯ ହେବୁ ବୋଲି ଚେତାବନୀ ଦେଇଛନ୍ତି। ପୁର୍ବରୁ ମଧ୍ଯ ସମସ୍ଯାର ସୂତ୍ରପାତ ହେବାସହ ଗତ ୨୦୨୩ ଅଗଷ୍ଟ ମାସରେ ଲେବଲକ୍ରସିଂରୁ ବାହାରିଥିବା ଅଇଁଠାପାଲି ରାସ୍ତା ପ୍ରଥମ ମୁଣ୍ତରେ ମାଟି ପକାଇ ସମ୍ପୁର୍ଣ୍ଣ ବନ୍ଦ ରଖାଯାଇଥିଲା। ରାସ୍ତାଟି ଅବରୋଧ ହୋଇଥିବାରୁ ଆଖପାଖ ପାଞ୍ଚଟି ଗ୍ରାମ ଅଇଁଠାପାଲି, ଜୁଲଟ,ବାଗବାଡି ଓ ପୁଟୁରୁପାଲି ସହ ବରଗଡ ସଦରର ତିନୋଟି ପଞ୍ଚାୟତ ସମେତ ବରପାଲି ସହରର ଲୋକେ ହଟହଟା ହେଉଥିବା ବେଳେ ଦୁର୍ଘଟଣାର ଶିକାରରେ ପଡୁଥିବା ଦେଖାଯାଉଛି। ସମସ୍ଯାକୁ ନେଇ ଲୋକେ ରେଲୱେ ଆସିଷ୍ଟାଣ୍ତ ଡିଭିଜନାଲ ଇଞ୍ଜିନିୟର ଫାଷ୍ଟ କୋଷ୍ଟ ରେଳବାଇ ବରଗଡ,ସ୍ଥାନିୟ ତହସିଲଦାର,ପୋଲିସ ପ୍ରସାସନ ସହ ଜନ ପ୍ରତିନିଧି ମାନଙ୍କ ଦୃଷ୍ଟିଗୋଚରକୁ ଆଣିଥିଲେ। ହେଲେ ସମସ୍ଯାଟି ବିଭିନ୍ନ ରୂପ ନେଉଥିବା ବେଳେ କୌଣଷି ସମାଧାନର ବାଟ ଫିଟି ପାରିନଥିଲା। ନିର୍ଦ୍ଧାରିତ ବନ୍ଦ ହୋଇଥିବା ଜମି ଖାତା ନମ୍ବର ୨୫୩. ପ୍ଲଟ୍ ନମ୍ବର ୪୦୩/୧୦୬୩ ପୂର୍ବ କୋଷ୍ଟ ରେଳ ନାମରେ ୦.୧୯୮୦ ଡି ରେକର୍ଡ ଭାବରେ ରହିଥିବା ଜଣାପଡିଛି। ଅନୁସନ୍ଧାନରୁ ଜଣାପଡିଛି ଯେ ନିର୍ଦ୍ଧାରିତ ଜମି ଉପରେ ଗୋଟିଏ | ବହୁ ଦିନରୁ ଜନସାଧାରଣଙ୍କ ଦ୍ୱାରା ବ୍ୟବହୃତ ହେଉଥିବା ରାସ୍ତା କିଛି ଦିନ ପୁର୍ବରୁ ପିଡବ୍ଲୁଡି ବିଭାଗ ଦ୍ବାରା ନବିକରଣ କରାଯାଇଥିଲା। ବର୍ତ୍ତମାନ ଉପୁଜୁଥିବା ସମସ୍ଯାରେ ମୂଖ୍ଯତଃ ଫସିଛନ୍ତି ଆଖପାଖ ରାସ୍ତାକଡ ଚାଷଜମି ମାଲିକ ଓ କୃଷି କର୍ମଚାରୀ ମାନେ। ଜମିରୁ ଅମଳକ୍ଷମ ଧାନ ନେବା ଆଣିବାରେ ଅନେକ ବ୍ଯାଘାତ ସୃଷ୍ଟି ହୋଇଥାଏ। ସମସ୍ଯାର ଉଚିତ ସମାଧାନ ଦିଗରେ ପ୍ରସାସନ ଉଚିତ ପଦକ୍ଷେପ ଗ୍ରହଣ ନିମନ୍ତେ ଦାବୀ ଜଣାଇଛନ୍ତି।

ଓଡ଼ିଆ ପକ୍ଷ ପାଳନ ଅବସରର ପାରମ୍ପରିକ ପୋଷାକ ପରିଧାନ ଅଭିଯାନପାରଳାଖେମୁଣ୍ଡି:୩/୪(ଗରୁଡ଼ ଧ୍ଵଜ ଚୌଧୁରୀ)ରାଜ୍ୟ ବ୍ୟାପୀ ଓଡ଼ିଆ ପକ୍ଷ ପାଳିତ ଅବସରରେ ଗଜପତି ଜିଲ୍ଲାସ୍ତରୀୟ ଆମ ପୋଷାକ ଆମ ପରିଚୟ କାର୍ଯ୍ୟକ୍ରମ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଅଛି। ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଶ୍ରୀ ରାଜେନ୍ଦ୍ର ମିଞ୍ଜଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଉନ୍ନୟନ ଅଧିକାରୀ ଜିଲ୍ଲାପରିଷଦ ଶ୍ରୀ ଶଙ୍କର କେରକେଟା, ଉପଜିଲ୍ଲାପାଳ ପାରଳାଖେମୁଣ୍ଡି ଶ୍ରୀ ଅନୁପ ପଣ୍ଡା,ଅତିରିକ୍ତ ନିର୍ବାହୀ ଅଧିକାରୀ ଜିଲ୍ଲାପରିଷଦ ଶ୍ରୀ ପୃଥ୍ୱୀରାଜ ମଣ୍ଡଳ ଓ ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ଅର୍ଚ୍ଚନା କୁମାରୀ ମଙ୍ଗରାଜ ସମେତ ସମସ୍ତ ଜିଲ୍ଲାସ୍ତରୀୟ ଅଧିକାରୀ ପ୍ରମୁଖ ଉପସ୍ଥିତ ଥିଲେ। ଜିଲ୍ଲାର ସମସ୍ତ ବିଭାଗୀୟ ଅଧିକାରୀ ଓ କର୍ମଚାରୀମାନେ ପାରମ୍ପରିକ ହସ୍ତତନ୍ତ୍ର ପୋଷାକ ପରିଧାନ କରିଛନ୍ତି। ଓଡିଶା ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଧେଶ କ୍ରମେ ଓଡ଼ିଶା ଦିବସ ୧ ଅପ୍ରେଲ ଠାରୁ ମହାବିଷୁବ ସଂକ୍ରାନ୍ତି ୧୪ ଅପ୍ରେଲ ପର୍ଯ୍ୟନ୍ତ ଓଡ଼ିଆ ପକ୍ଷ ପାଳନ କରାଯିବ। ଏହି ଅବସରରେ ପ୍ରତ୍ୟେକ ଦିନ ବିଭିନ୍ନ ବିଭାଗ ଦ୍ଵାରା କାର୍ଯ୍ୟକ୍ରମ ଗୁଡ଼ିକ ସ୍ଥିର କରାଯାଇଛି। ଆମ ବସ୍ତ୍ର ହେଉଛି ଆମ ସ୍ୱାଭିମାନ ଓ ଆମ ପରିଚୟ। ଓଡ଼ିଶା ହସ୍ତତନ୍ତ୍ରର ସମଗ୍ର ବିଶ୍ୱରେ ପ୍ରସିଦ୍ଧ ରହିଛି। ଏଣୁ ଓଡ଼ିଆ ପକ୍ଷ ପାଳନ ଅବସରରେ ଆସନ୍ତୁ, ଆମେ ସମସ୍ତେ ହସ୍ତତନ୍ତ୍ର ପୋଷାକ ପିନ୍ଧିବାକୁ ଅଭ୍ୟାସରେ ପରିଣତ କରିବା। କେବଳ ଆଜି ନୁହେଁ, ସବୁ ଦିନ ପିନ୍ଧିବା ଏବଂ ଆମ ବୁଣାକାର ଓ ଗ୍ରାମ୍ୟ ଅର୍ଥନୀତିକୁ ସଶକ୍ତ କରିବା ସହ ସମୃଦ୍ଧ ଓଡ଼ିଶା ଗଠନରେ ଅଂଶୀଦାର ହେବା।