ମନ୍ର୍ତୀ ରୀତା ସାହୁଙ୍କ ନିର୍ବାଚନୀ ଧାର୍ମିକ ଅଭିଯାନ


ବରପାଲି,୨୮।୪:- ହସ୍ତତନ୍ର୍ତ ଓ ବୟନଶିଳ୍ପ ମନ୍ର୍ତୀ ରିତା ସାହୁଙ୍କ ନିର୍ବାଚନୀ ଅଭିଯାନ ଧାର୍ମିକ ମନୋଭାବ ମାଧ୍ଯମରେ ସମ୍ପର୍କ ସ୍ଥାପନା ପର୍ବ ଆଗେଇଚାଲିଛି। ବିଜେପୁର ନିର୍ବାଚନ ମଣ୍ତଳି ଅର୍ନ୍ତଗତ ତିନୋଟି ବ୍ଲକ ବରପାଲି, ବିଜେପୁର ଓ ଗାଇସିଲେଟ ଅଞ୍ଚଳରେ ଦଳିୟ କର୍ମକର୍ତ୍ତା ଓ କର୍ମି ମାନଙ୍କ ଗହଣରେ ନିଜ ଶୈଳିରେ ପ୍ରଚାର ଓ ପ୍ରସାର ଲୋକସର୍ମ୍ପକ ଦିଗକୁ ଗୁରୁତ୍ବ ଦେଉଛନ୍ତି।
ବରପାଲି ବ୍ଲକରିତା ସାହୁଙ୍କ ଧାର୍ମିକ ମନୋଭାବ ବରପାଲି ବ୍ଲକ ଅନ୍ତର୍ଗତ ବର୍ଲାବାହାଲ ଓ ଭଟିଗାଁରେ ଅଷ୍ଟ ପ୍ରହରୀ ନାମଯଜ୍ଞ ଯୋଗ ଦେଇଥିବା ବେଳେ ଝୁଲୋପାଲି, ବନ୍ଧପାଲି ନାମଯଜ୍ଞ ଏବଂ ବିଜେପୁର ବ୍ଲକ ଜାରିଙ୍ଗରେ ମାଁ ସମଲେଶ୍ବରୀ ଦେବୀଙ୍କ ଦର୍ଶନ ସହିତ ଆଶିର୍ବାଦ ଗ୍ରହଣ, ମ.ଗଣ୍ଡପାଲି ଗାଁରେ ଅଲେଖ ମହିମା ବିଶ୍ବଶାନ୍ତି ମହାଯଜ୍ଞରେ
ସାମିଲ ହୋଇ ସମ୍ପର୍କ ଅଭିଯାନ ଓ ନିର୍ବାଚନୀ ଆଲୋଚନା ଜାରି ରଖିଛନ୍ତି। ସେହିପରି ନିର୍ବାଚନ ମଣ୍ତଳିର ବିଭିନ୍ନ ଗ୍ରାମ ମାନଙ୍କର ନାମଯଜ୍ଞ,ମନ୍ଦିର ପ୍ରତିଷ୍ଠା,ବିବାହ ବ୍ରତ,କ୍ରିଡା ସହ ଉତ୍ସବ ମହୋତ୍ସବକୁ ନିର୍ବାଚନୀ ଆୟୁଧ ସଜେଇଥିବା ଦେଖାଯାଉଛି।

ଓଡ଼ିଆ ପକ୍ଷ ପାଳନ ଅବସରର ପାରମ୍ପରିକ ପୋଷାକ ପରିଧାନ ଅଭିଯାନପାରଳାଖେମୁଣ୍ଡି:୩/୪(ଗରୁଡ଼ ଧ୍ଵଜ ଚୌଧୁରୀ)ରାଜ୍ୟ ବ୍ୟାପୀ ଓଡ଼ିଆ ପକ୍ଷ ପାଳିତ ଅବସରରେ ଗଜପତି ଜିଲ୍ଲାସ୍ତରୀୟ ଆମ ପୋଷାକ ଆମ ପରିଚୟ କାର୍ଯ୍ୟକ୍ରମ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଅଛି। ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଶ୍ରୀ ରାଜେନ୍ଦ୍ର ମିଞ୍ଜଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଉନ୍ନୟନ ଅଧିକାରୀ ଜିଲ୍ଲାପରିଷଦ ଶ୍ରୀ ଶଙ୍କର କେରକେଟା, ଉପଜିଲ୍ଲାପାଳ ପାରଳାଖେମୁଣ୍ଡି ଶ୍ରୀ ଅନୁପ ପଣ୍ଡା,ଅତିରିକ୍ତ ନିର୍ବାହୀ ଅଧିକାରୀ ଜିଲ୍ଲାପରିଷଦ ଶ୍ରୀ ପୃଥ୍ୱୀରାଜ ମଣ୍ଡଳ ଓ ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ଅର୍ଚ୍ଚନା କୁମାରୀ ମଙ୍ଗରାଜ ସମେତ ସମସ୍ତ ଜିଲ୍ଲାସ୍ତରୀୟ ଅଧିକାରୀ ପ୍ରମୁଖ ଉପସ୍ଥିତ ଥିଲେ। ଜିଲ୍ଲାର ସମସ୍ତ ବିଭାଗୀୟ ଅଧିକାରୀ ଓ କର୍ମଚାରୀମାନେ ପାରମ୍ପରିକ ହସ୍ତତନ୍ତ୍ର ପୋଷାକ ପରିଧାନ କରିଛନ୍ତି। ଓଡିଶା ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଧେଶ କ୍ରମେ ଓଡ଼ିଶା ଦିବସ ୧ ଅପ୍ରେଲ ଠାରୁ ମହାବିଷୁବ ସଂକ୍ରାନ୍ତି ୧୪ ଅପ୍ରେଲ ପର୍ଯ୍ୟନ୍ତ ଓଡ଼ିଆ ପକ୍ଷ ପାଳନ କରାଯିବ। ଏହି ଅବସରରେ ପ୍ରତ୍ୟେକ ଦିନ ବିଭିନ୍ନ ବିଭାଗ ଦ୍ଵାରା କାର୍ଯ୍ୟକ୍ରମ ଗୁଡ଼ିକ ସ୍ଥିର କରାଯାଇଛି। ଆମ ବସ୍ତ୍ର ହେଉଛି ଆମ ସ୍ୱାଭିମାନ ଓ ଆମ ପରିଚୟ। ଓଡ଼ିଶା ହସ୍ତତନ୍ତ୍ରର ସମଗ୍ର ବିଶ୍ୱରେ ପ୍ରସିଦ୍ଧ ରହିଛି। ଏଣୁ ଓଡ଼ିଆ ପକ୍ଷ ପାଳନ ଅବସରରେ ଆସନ୍ତୁ, ଆମେ ସମସ୍ତେ ହସ୍ତତନ୍ତ୍ର ପୋଷାକ ପିନ୍ଧିବାକୁ ଅଭ୍ୟାସରେ ପରିଣତ କରିବା। କେବଳ ଆଜି ନୁହେଁ, ସବୁ ଦିନ ପିନ୍ଧିବା ଏବଂ ଆମ ବୁଣାକାର ଓ ଗ୍ରାମ୍ୟ ଅର୍ଥନୀତିକୁ ସଶକ୍ତ କରିବା ସହ ସମୃଦ୍ଧ ଓଡ଼ିଶା ଗଠନରେ ଅଂଶୀଦାର ହେବା।