ରାଜୀବ ଲୋଚନ ମିଶ୍ର11/05/2024 at 1:57 AM
ଗୋପାଳପୁର ୧୦/୫
ବ୍ରହ୍ମପୁର ବିଶ୍ଵବିଦ୍ୟାଳୟ ନୂତନ ସମ୍ମିଳନୀ କକ୍ଷରେ ଆଜି ଅପରାହ୍ନରେ ଅଧ୍ୟାପକ, ଅଧ୍ୟାପିକାଙ୍କ ଦ୍ୱାରା ପିଜି କାଉନସିଲ ଅଧକ୍ଷ ପ୍ରଫେସର ସୁଶାନ୍ତ କୁମାର ବରାଳଙ୍କ ଅଧକ୍ଷତାରେ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା l ଶିକ୍ଷକ ସଂଘର ଉପ ସଭାପତି ଡ଼. ଲକ୍ଷ୍ମୀଧର ରାଉତ ସ୍ୱାଗତ ଭାଷଣ ପ୍ରଦାନ କରିଥିଲେ l ଡ଼. ସାରଦା ପ୍ରସନ୍ନ ସାହୁ କୁଳପତି ପ୍ରଫେସର ଗୀତାଞ୍ଜଳି ଦାଶଙ୍କ ଦୁଇ ବର୍ଷ ପୂର୍ତ୍ତି ଅବସରରେ ଆୟୋଜିତ ବିଭିନ୍ନ କାର୍ଯ୍ୟକ୍ରମକୁ ପ୍ରୋଜେକ୍ଟର ମାଧ୍ୟମରେ ଦର୍ଶାଇ ଥିଲେ l ଏଥିରେ କୁଳସଚିବ ସଚ୍ଚିତାନନ୍ଦ ନାୟକ, ବିତ୍ତ ନିୟନ୍ତ୍ରକ ଅଶୋକ କୁମାର ଧାନଙ୍ଗଡାମାଝୀ ଯୋଗ ଦେଇ କୁଳପତିଙ୍କ କାର୍ଯ୍ୟକଳାପକୁ ଉଚ୍ଚ ପ୍ରଶଂସା କରିବା ସହ ଆଗାମୀ ବର୍ଷ ଲକ୍ଷ୍ୟ ରଖିଥିବା ଯୋଜନାକୁ ସହଯୋଗ କରିବେ ବୋଲି କହିଥିଲେ l ଏହି ଅବସରରେ କୁଳପତି ମିଳିମିଶି କାମ କରି ବିଶ୍ଵବିଦ୍ୟାଳୟକୁ ଉନ୍ନତି ପଥରେ ନେବା ପାଇଁ ଆୱାନ କରିଥିଲେ l ଶେଷରେ କୁଳପତିଙ୍କ ଦ୍ୱାରା କେକ୍ କଟା ଯାଇଥିଲା l ଏଥିରେ ବିଶ୍ଵବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା ଯୋଗ ଦେଇଥିଲେ l