ଓଡ଼ିଶା ଡଟ୍ ନ୍ୟୁଜ୍

16/05/2024 at 5:28 AM

ବ୍ରଜରାଜନଗର: ବିଜେପିକୁ ଶକ୍ତ ଧକ୍କା । ପଦ୍ମ ଛାଡି ବିଜେଡିରେ ମିଶିଲେ ବ୍ରଜରାଜନଗରର ପୂର୍ବତନ ବିଧାୟିକା ରାଧାରାଣୀ ପଣ୍ଡା । ନିର୍ବାଚନ ସମୟରେ ରାଧାରାଣୀଙ୍କ ଦଳ ବଦଳ ବିଜେପିକୁ ଭାରି ପଡ଼ିବ ବୋଲି ରାଜନୈତିକ ସମୀକ୍ଷାକ କହିଛନ୍ତି ।

ସୂଚନାଯୋଗ୍ୟ, ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ରାଧାରାଣୀ ଆଜି ବିଜେଡିରେ ସାମିଲ ହୋଇଛନ୍ତି । ଏହାପୂର୍ବରୁ ସେ ତାଙ୍କର ଇସ୍ତଫା ପତ୍ର ବିଜେପି ସଭାପତିଙ୍କ ନିକଟକୁ ପଠାଇ ଦେଇଥିଲେ । ରାଧାରାଣୀ ବ୍ରଜରାଜନଗରରୁ ଟିକେଟ୍ ଆଶାୟୀ ଥିଲେ । ମାତ୍ର ବିଜେପି ତାଙ୍କ ପରିବର୍ତ୍ତେ ସୁରେଶ ପୂଜାରୀଙ୍କୁ ଟିକେଟ ଦେଇଥିଲା । ଯାହାକୁ ନେଇ ରାଧାରାଣୀ ଅସନ୍ତୋଷ ବ୍ୟକ୍ତ କରିବା ସହ ନିର୍ବାଚନୀ କାର୍ଯ୍ୟରେ ସହଯୋଗ କରୁ ନଥିଲେ । ଆଜି ସେ ବିଜେପି ଛାଡ଼ି ବିଜେଡିରେ ଯୋଗ ଦେଇଛନ୍ତି ।

ରାଧାରାଣୀ ୨୦୧୯ ନିର୍ବାଚନ ଓ ପରେ ଉପନିର୍ବାଚନରେ ବିଜେପି ପ୍ରାର୍ଥୀ ଭାବେ ଲଢ଼ି ପରାଜିତ ହେବା ପରଠୁ ସାଂଗଠନିକ କାର୍ଯ୍ୟରେ ବିଶେଷ ଦୃଶ୍ୟମାନ ହେଉ ନଥିଲେ ।