ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

28/05/2024 at 2:02 PM

ଭୁବନେଶ୍ୱର: ବିଧାୟକ ପ୍ରଶାନ୍ତ ଜଗଦେବଙ୍କ ଗିରଫଦାରୀକୁ ନେଇ ବିଜେଡି ସରକାର ଉପରେ ମଙ୍ଗଳବାର ଖୁବ୍ ବର୍ଷିଛନ୍ତି ଅପରାଜିତା ଷଡଙ୍ଗୀ । ଘଟଣା ଦିନର ସିସିଟିଭି ସାର୍ବଜନୀନ କରିବି ବୋଲି ସେ କହିଛନ୍ତି । ଘଟଣା ପରେ ବୁଥ୍ ଯାଇଥିଲି । ସେଠାରେ ଜଗଦେବ ଇଭିଏମ ଭାଙ୍ଗିଥିବା କଥା କେହି କହିଲେନି ।

କେଉଁ ସ୍ଥିତିରେ ବିଧାୟକ ପ୍ରଶାନ୍ତ ଜଗଦ୍ଦେବଙ୍କୁ ଜେଲ୍ ପଠାଗଲା? ସିସିଟିଭି ଫୁଟେଜ ଯାଞ୍ଚ ନ କରି ଜଣେ ବିଧାୟକଙ୍କୁ କାହିଁକି ଗିରଫ କରାଗଲା? ଏହା କେଉଁ ପ୍ରକାର ଆଇନ? ଏଥିପାଇଁ ମୁଖ୍ୟମନ୍ତ୍ରୀ ଓ ତାଙ୍କ କୋଟେରୀ ଦାୟୀ। ପ୍ରଶାନ୍ତ ଜଗଦ୍ଦେବଙ୍କ ଲୋକପ୍ରିୟତାକୁ ଡରିଗଲେ କି ବୋଲି ଅପରାଜିତା ପ୍ରଶ୍ନ କରିଛନ୍ତି ।

ସେ କହିଛନ୍ତି ଘଟଣା ଘଟିବାର ୫ ମିନିଟ୍ ପରେ ମୁଁ ବୁଥ୍ ଯାଇଥିଲି । ସମସ୍ତଙ୍କୁ ପଚାରି ବୁଝିଥିଲି । ଯେଉଁମାନେ ବୁଥ ଭିତରେ ଏବଂ ବାହାରେ ଥିଲେ ବିଧାୟକ ଇଭିଏମ ଭାଙ୍ଗିଛନ୍ତି ବୋଲି କେହି କହି ନାହାନ୍ତି । ସେଦିନ ବୁଥରେ ଯାହା ଘଟିଥିଲା, ତାର ସିସିଟିଭି ଫୁଟେଜ ମୋର ହସ୍ତଗତ ହୋଇଛି। ବହୁ ଶୀଘ୍ର ସିସିଟିଭି ଫୁଟେଜକୁ ମୁଁ ସାର୍ବଜନୀନ କରିବି। ଇଭିଏମ ଭଙ୍ଗାଯିବା ଘଟଣାରେ ପ୍ରଶାନ୍ତ ଜଗଦ୍ଦେବଙ୍କର କୌଣସି ଭୂମିକା ନାହିଁ।