ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

4/06/2024 at 9:50 AM

ଭୁବନେଶ୍ୱର: ଓଡିଶାରେ ଲୋକସଭା ଓ ବିଧାନସଭା ନିର୍ବାଚନ ପାଇଁ ଆଜି ଚାଲିଛି ଭୋଟ୍ ଗଣତି । ନିର୍ବାଚନ ପ୍ରଚାର ବେଳେ ବିଜେପି ଓ ବିଜେଡି ମଧ୍ୟରେ କଡା ମୁକାବିଲା ଦେଖିବାକୁ ମିଳିଥିଲା । ଭୋଟ୍ ଗଣତିର ପ୍ରାରମ୍ଭିକ ଟ୍ରେଣ୍ଡରେ ମଧ୍ୟ ଦୁଇ ଦଳ ମଧ୍ୟରେ କଡା ସଂଘର୍ଷ ଦେଖିବାକୁ ମିଳୁଛି । ୧୪୭ ସିଟରୁ ୬୦ଟି ଚିତ୍ର କିଛିଟା ସାମ୍ନାକୁ ଆସିଛି । ଏଥିରୁ ବିଜେଡି ୨୭ ସିଟରେ ଆଗୁଆ ଥିବା ବେଳେ ବିଜେପି ୨୫ସିଟରେ ଅଗ୍ରଣୀ ହାସଲ କରିଛି । କଂଗ୍ରେସ ୨ଟି ଆଗରେ ରହିଛି ।

ଏହି ଟ୍ରେଣ୍ଡରୁ ଏହା ସ୍ପଷ୍ଟ ଯେ, କିଏ ସରକାର ଗଢିବ କହିବା ମୁସ୍କିଲ । ଜାତୀୟ ଗଣମାଧ୍ୟମ କରିଥିବା ଏକଜିଟ ପୋଲରେ ବିଜେପି ଅଧିକ ସିଟ୍ ଜିତି ଭଲ କରୁଥିବା ବେଳେ ବିଜେଡିର ବହୁତ କ୍ଷତି ଘଟୁଛି । ୧୪୭ ସିଟରୁ ସରକାର ଗଢିବ ପାଇଁ ମ୍ୟାଜିକ ନମ୍ବର ହେଉଛି ୭୪ । ଗତ ନିର୍ବାଚନରେ ବିଜେଡି ୧୧୨ ସିଟ୍ ଜିତି ପଞ୍ଚମ ଥର ସରକାର ଗଢିଥିଲା । ଆଉ ବିଜେପି ୨୩ ଓ କଂଗ୍ରେସ ୯ ସିଟରେ ସନ୍ତୁଷ୍ଟ ହେବାକୁ ପଡିଥିଲା । କିନ୍ତୁ ଏଥର ବିଜେଡି ଓ ବିଜେପି ମଧ୍ୟରେ ମୁକାବିଲା ତୀବ୍ରତର ହେଉଛି ।