ରାଜୀବ ଲୋଚନ ମିଶ୍ର2/07/2024 at 3:57 AM
ଗୋପାଳପୁର ୧/୭
ଗୋପାଳପୁର ଥାନା ଅନ୍ତର୍ଗତ ମାଣ୍ଡିଆପଲ୍ଲୀ ବିକାଶ ନଗର ପ୍ରଥମ ଲାଇନର ପ୍ରଫୁଲ୍ଲ ଚନ୍ଦ୍ର ଦାଶଙ୍କ ଘରୁ ଦୃର୍ବତ୍ତ ମାନେ ଗ୍ରିଲ କାଟି ସୁନା, ରୂପା ଓ ଟଙ୍କା ଚୋରି ହୋଇଥିବା ନେଇ ଥାନାରେ ଲିଖିତ ଅଭିଯୋଗ ହୋଇଛି l ସୂଚନା ପ୍ରକାରେ ବିକାଶ ନଗର ପ୍ରଥମ ଲାଇନରେ ରହୁଥିବା ପ୍ରଫୁଲ୍ଲ ଦାଶ କିଛି ଦିନ ହେଲା ବାହାରକୁ କୌଣସି କାମରେ ଯାଇଥିଲେ l ସେହି ଘରେ ତାଙ୍କ ଝିଅ ଓ ନାତି, ନାତୁଣୀ ଉପର ମହଲାକୁ ରାତ୍ର ପ୍ରାୟ ୧୨ ଟା ପରେ ଶୋଇବାକୁ ଯାଇଥିଲେ l ସକାଳୁ ଉଠି ଦେଖିବା ବେଳକୁ ତଳ ଘର ଆଲମାରୀ ଭାଙ୍ଗିବା ସହ ଜିନିଷ ପତ୍ର ଏଣେ ତେଣେ ପଡ଼ିଥିବା ଦେଖିବା ସହ ଆଲମାରୀରେ ରହିଥିବା ୧୦ ତୁଳାର ସୁନା ଗହଣା, ରୂପା ପ୍ରାୟ ୧ କେଜି, ନଗଦ ୨ ଲକ୍ଷ ୬୨ ହଜାର ଟଙ୍କା ଏବଂ ଦାମି ଲୁଗାପଟା, କାଗଜ ପତ୍ର ଦୃର୍ବତ୍ତ ମାନେ ଲୁଟି ନେଇଥିବା ଜାଣିବାକୁ ପାଇଥିଲେ l ଆଜି ସକାଳେ ପ୍ରଫୁଲ୍ଲ ଦାଶ ଘରେ ପହଞ୍ଚି ଦେଖିବା ପରେ ଘରର ଝରକା ଗ୍ରିଲ ଭାଙ୍ଗି ଦୃର୍ବତ୍ତ ମାନେ ପଶି ଲୁଟିଥିବା ଜାଣିବାକୁ ପାଇଁ ଥିଲେ l ଏ ନେଇ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପ୍ରକାରେ ପୁଲିସ ଘଟଣା ସ୍ଥଳରେ ପହଞ୍ଚିବା ସହ ସାଇଣ୍ଟିଫିକ ଟିମ ଓ ସନ୍ଧାନୀ କୁକୁର ପହଞ୍ଚି ତଦନ୍ତ ଆରମ୍ଭ କରିଥିଲେ l ଅଭିଯୋଗକୁ ଭିତ୍ତି କରି ପୁଲିସ କେସ ନମ୍ବର ୧୯୫/୨୪ ମାମଲା ରୁଜୁ କରି ତଦନ୍ତ କରୁଥିବା ଥାନା ଅଧିକାରୀ ଶରତ କୁମାର ମହାଲିକ ସୂଚନା ଦେଇଛନ୍ତି l