ସୌମିତ୍ରି ମେହେର6/07/2024 at 11:14 AM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ର ଛାତ୍ରୀ ନିବାସ ଅସୁରକ୍ଷିତ ହୋଇ ପଡିଥିବା ଜଣାପଡିଛି l ରାତ୍ରିରେ ଛାତ୍ରୀ ନିବାସ କୁ ପଶି ଆସି ଅନ୍ତେବାସୀଙ୍କୁ ଅସଦାଚାରଣ କରିବା ଅଭିଯୋଗରେ କେଜିବିଭି ପରିଚାଳନା କମିଟି ସଭାପତି ସଦାନନ୍ଦ ମହାନନ୍ଦ ଙ୍କ ପୁଅ ଅଜୟ କୁ ପୁଲିସ ଗିରଫ କରିଛି I ଗତ ଗୁରୁବାର ରାତିରେ ସହରରେ ବିଜୁଳି ନ ଥିବା ସୁଯୋଗ ନେଇ ଅଭିଯୁକ୍ତ ଅଜୟ ଛାତ୍ରୀ ଦିବସକୁ ପଶି ଜଣେ ନାବାଳିକା ଛାତ୍ରୀ କୁ ଅସଦାଚାରଣ କରୁଥିଲା l ହଠାତ୍ ବିଦ୍ୟୁତ ଲାଇନ ଆସି ଯିବାରୁ ଅନ୍ୟ ଅନ୍ତେବାସୀ , ରୋଷେୟା , ରାତ୍ର ଜଗୁଆଳି ପ୍ରମୁଖ ତାକୁ ଧରିଥିଲେ l ପରବର୍ତ୍ତି ସମୟରେ ପ୍ରଧାନ ଶିକ୍ଷୟତ୍ରୀ ସ୍କୁଲ କୁ ଆସି ଘଟଣା ସମ୍ପର୍କରେ ପଚାରି ବୁଝିବା ସହ ନିକଟସ୍ଥ ଥାନାରେ ଅଭିଯୋଗ କରିଥିଲେ l ପୁଲିସ ଉକ୍ତ ଘଟଣାରେ ଏକ ମାମଲା ରୁଜୁ କରି ଶୁକ୍ରବାର ଉଭୟଙ୍କ ଡାକ୍ତରୀ ମାଇନା କରିଛି I ଏହିଭଳି ସମ୍ବେଦନଶୀଳ ଘଟଣାରେ ୱାଡେନ୍ ଙ୍କ ଅବହେଳା କୁ ନେଇ ପାଟିତୁଣ୍ଡ ହୋଇଥିଲା l ଉକ୍ତ ସମୟରେ ଅନ୍ତେବାସୀ ଏବଂ କର୍ମଚାରୀ ଡାକିବା ସତ୍ତ୍ୱେ ଉପର ମହଲାରେ ଶୋଇ ଥିବା ୱାଡେନ ତଳକୁ ଆସି ନଥିବା ବେଳେ ବାରମ୍ଵାର ଡାକିବା ପରେ ତଳକୁ ଆସିଥିବା ଶୁଣାଯାଏ I ୱାଡେନ୍ ଜଣକ କ୍ରମାଗତ ଭାବେ ପ୍ରଧାନ ଶିକ୍ଷୟିତ୍ରୀ ନ ଜଣାଇ ବିନା ଛୁଟିରେ ରହୁଥିବା ମଧ୍ୟ ଜଣାପଡ଼ିଛି I