ବୀରମହାରାଜାପୁର ଦୈନିକ ପରିବା ବଜାର ରେ ଆକାଶ ଛୁଆଁ ପନିପରିବା ଦର
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଦୈନିକ ପରିବା ବଜାରରେ ପନିପରିବା ଦର ଆକାଶଛୁଆଁ ହୋଇଥିବା ଦେଖିବାକୁ ମିଳିଛି। ଶାଗ ରୁ ଆରମ୍ଭ କରି ପ୍ରତ୍ୟେକ ପରିବା ଦର ୫୦ ଟଙ୍କା ଉପରେ ରହିଛି । ସବୁଠୁ ଉପରେ ରହିଛି ଟମାଟୋ ଦର । ଯେଉଁ ଟମାଟୋ ଗତ ସପ୍ତାହରେ କିଲୋ ୪୦ ଟଙ୍କା ଦରରେ ମିଳିଥିଲା ତାହା ଆଜି ୮୦ ଟଙ୍କା ହୋଇଯାଇଛି । ସେହିପରି ଭେଣ୍ଡି ୬୦ ,କଲରା ୬୦ , ମୁଲା ୪୦, ପୋଟଲ ୬୦, ବାଇଗଣ ୫୦, ଫୁଲ କୋବି ୬୦ , ଶାଗ ୪୦, ପିଆଜ ଓ ଆଲୁ ୩୦ , ଲଙ୍କା ୨୦୦ ଟଙ୍କା କିଲୋ ପ୍ରତି ବିକ୍ରି ହୋଉଥିବା ଦେଖିବାକୁ ମିଳିଥିଲା । ଏଠାରେ ଶୀତଳ ଭଣ୍ଡାର ନ ଥିବାରୁ ଏ ଅଞ୍ଚଳର ଚାଷୀ ବିଭିନ୍ନ ପ୍ରକାର ପନିପରିବା ଅତି କମ୍ ମୂଲ୍ୟରେ ବିକ୍ରି କରି ଦେଇଥିଲେ l ବର୍ତ୍ତମାନ ପରିବା ଦର ଆକାଶଛୁଆଁ ହେବାଯୋଗୁଁ ଗରିବ ଓ ମଧ୍ୟମ ବର୍ଗ ପରିବାର ଏଥିରେ ବିଶେଷ ଭାବେ ପ୍ରଭାବିତ ହୋଇଛନ୍ତି । ସମସ୍ତ ପ୍ରକାର ପରିବା ଯେଉଁ ପରିମାଣରେ ହାଟକୁ ଆସିବା କଥା ଆସୁନଥିବା ରୁ ଦର ବଢ଼ିଥିବା ଜଣାଯାଇଛି । ମହାରାଷ୍ଟ୍ର , ନାଶିକ ଓ ଛତିଶଗଡ଼ ରୁ ଟୋମାଟ ଆସୁଥିଲା ସେଠାରେ ବର୍ଷା ଯୋଗୁଁ ଅମଳ ହୋଇପାରୁନାହିଁ । ଯାହା ଫଳରେ ଏଠାରେ ଦର ବଢ଼ି ବାକୁ ଲାଗିଛି ବୋଲି ଶୁଣିବାକୁ ମିଳୁଛି। ଏଭଳି ସ୍ଥିତି ଆହୁରି କିଛି ସପ୍ତାହ ଲାଗି ରହିପାରେ ବୋଲି ସ୍ଥାନୀୟ ବ୍ୟବସାୟୀ ମାନେ ପ୍ରକାଶ କରିଛନ୍ତି।
