ସୌମିତ୍ରି ମେହେର21/07/2024 at 3:16 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଦୁଃଖିଶ୍ୟାମ ଭୋଇ ଅଧ୍ୟକ୍ଷତାରେ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି । ସ୍କୁଲର ଛାତ୍ରଛାତ୍ରୀଙ୍କ ମଧ୍ୟରେ ପୂର୍ବରୁ ସ୍ଲୋଗାନ ଲିଖନ , କୁଇଜ୍ ଓ ଚିତ୍ରାଙ୍କନ ଆଦି ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏଥିରେ ସ୍କୁଲର ପ୍ରାୟ ୧୦୫ ଜଣ ଛାତ୍ର ଛାତ୍ରୀ ଅଂଶଗ୍ରହଣ କରିଥିଲେ । ବହଳପଦର ପଞ୍ଚାୟତର ପୂର୍ବତନ ସମିତି ସଭ୍ୟ ପୀତମ୍ବର ସାହୁ, ଶିକ୍ଷକ ଯଦୁମଣି ବାଘ , ତପକିରଣ ସାହୁ , ରାଜୀବ ଦୀପ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଶିକ୍ଷକ ପ୍ରଦୀପ ଜଗଦଲା କାର୍ଯ୍ୟକ୍ରମର ପରିଚାଳନା କରିଥିଲେ। ସ୍ଳୋଗାନ ଲିଖନରେ ଲିପସା ବଘାର ପ୍ରଥମ , ଯାସ୍ମିନ ଖୁଣ୍ଟୁଲି ଦ୍ଵିତୀୟ ଓ ସୃତି ଭରାସାଗର ତୃତୀୟ ସ୍ଥାନ ଅଧିକାର କରିଥିଲେ। ସେହିପରି କୁଇଜରେ ସ୍ନେହାରାଣୀ ଦେହୁରୀ ପ୍ରଥମ , ଲିପ୍ସା ବଘାର ଦ୍ଵିତୀୟ ଓ ପିଉସ ସାହୁ ତୃତୀୟ ସ୍ଥାନ ହାସଲ କରିଥିଲେ । ଚିତ୍ରାଙ୍କନ ପ୍ରତିଯୋଗିତାରେ ରୋଜାଲିନ କର୍ମୀ ପ୍ରଥମ , ରିସ୍ମା ମହାକୁର ଦ୍ଵିତୀୟ ଓ ଆର୍ଯ୍ୟାଂଶୁ ସାହୁ ତୃତୀୟ ସ୍ଥାନ ହାସଲ କରିଥିଲେ । ଶେଷରେ ଶିକ୍ଷୟିତ୍ରୀ ଆନନ୍ଦିନୀ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।