ଓଡ଼ିଶା ଡଟ୍ ନ୍ୟୁଜ୍

22/07/2024 at 7:49 PM

କପ୍ତିପଦା: ଜମିଜମା ବିବାଦକୁ କେନ୍ଦ୍ର କରି ପୁଅଙ୍କ ସହ ମିଶି ଭାଇ ଓ ପୁତୁରାକୁ ଜଣେ ବ୍ୟକ୍ତି ହାଣି ହତ୍ୟା କରିବାକୁ ଉଦ୍ୟମ କରିଥିବା ଅଭିଯୋଗ । ଘଟଣା ଘଟିଛି କପ୍ତିପଦା ଥାନା ନୁଦଡିହା ଗାଁରେ ।
ସୂଚନାଯୋଗ୍ୟ, ପରମାନନ୍ଦ ନାୟକ ଏବଂ ତାଙ୍କ ପୁଅ ସତ୍ୟସାଇ ନାୟକ ନିଜ ବିଲରେ କାମ କରୁଥିବା ବେଳେ ସମ୍ପର୍କୀୟ ଭାଇ ଜଗବନ୍ଧୁ ନାୟକ ଏବଂ ତାଙ୍କ ପୁଅ ତପନ ନାୟକ, ଶ୍ରୀନାଥ ନାୟକ ସେଠାରେ ପହଞ୍ଚିଥିଲେ । ବିଲରେ କାମ ବନ୍ଦ କରିବାକୁ କହିଥିଲେ । କାମ ବନ୍ଦ ନକଲେ ହାଣି ଦେବେ ବୋଲି ଧମକ ମଧ୍ୟ ଦେଇଥିଲେ । ଯାହାକୁ ନେଇ ଉଭୟ ପକ୍ଷଙ୍କ ମଧ୍ୟରେ ଝଗଡା ହୋଇଥିଲା । ଝଗଡା ଏତେ ଉଗ୍ର ରୂପ ନେଲା ଯେ ସମ୍ପର୍କୀୟ ଭାଇ ଏବଂ ପୁତୁରା କଟୁରୀ ଧରି ପରମାନନ୍ଦ ଏବଂ ସତ୍ୟସାଇକୁ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ଉଭୟ ବାପପୁଅଙ୍କୁ ଚିକିତ୍ସା ପାଇଁ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି । ଉଭୟଙ୍କ ଅବସ୍ଥା ଗୁରୁତର ରହିଛି ।