ଓଡ଼ିଶା ଡଟ୍ ନ୍ୟୁଜ୍

22/07/2024 at 8:22 PM

ପାରାଦୀପ: ଏକ୍ସପାରୀ ଡେଟ ଫଲିକ ଏସିଡ ବଟିକା ଖାଇ ୯ ଛାତ୍ରଛାତ୍ରୀ ଅସୁସ୍ଥ । ପାରାଦୀପ ଅଠରବାଙ୍କୀ ଲକପଡା ପ୍ରାଥମିକ ସ୍କୁଲରେ ଘଟିଛି ଏଭଳି ଘଟଣା । ମଧ୍ଯାହ୍ନ ଭୋଜନ ପରେ ଛାତ୍ରଛାତ୍ରୀଙ୍କୁ ଫଲିକ ଏସିଡ ବଟିକା ଖାଇବାକୁ ଦିଆଯାଇଥିଲା । ପିଲାମାନେ ବଟିକା ଖାଇବା ପରେ ଅସୁସ୍ଥ ହୋଇପଡ଼ିଥିଲେ । ସେମାନଙ୍କ ଶରୀରରେ ପେଟ କାମୁଡା, ବାନ୍ତି ଓ ଦେହରେ ଫଳିଯିବା ଭଳି ଲକ୍ଷଣ ଦେଖାଯାଇଥିଲା । ସେମାନଙ୍କୁ ଅଠରବାଙ୍କି ଡାକ୍ତରଖାନାରେ ଭର୍ତ୍ତି କରାଯାଇଛି ।
ଘଟଣାକୁ ନେଇ ସ୍କୁଲର ଦାୟିତ୍ବରେ ଥିବା ପ୍ରଧାନ ଶିକ୍ଷୟିତ୍ରୀଙ୍କୁ ଅଟକ ରଖିଛନ୍ତି ରଖିଥିଲେ ଅଭିଭାବକ । ସ୍କୁଲର ମାତ୍ର ୧୮ ଜଣ ଛାତ୍ରଛାତ୍ରୀ ବଟିକା ଖାଇଥିବା ବେଳେ ୯ ଜଣ ଛାତ୍ରଛାତ୍ରୀ ଅସୁସ୍ଥ ହୋଇ ମେଡିକାଲରେ ଚିକିତ୍ସିତ ହେଉଛନ୍ତି । ଆଇରନ ବଟିକାର ଉପର ଖୋଳରେ ଏକ୍ସପାରୀ ଡେଟ୍ ୨୦୨୫ ଥିବା ବେଳେ ଭିତରେ ଥିବା ବଟିକା ଉପରେ ୨୦୧୯ର ପ୍ୟାକିଂ ୨୦୨୧ ପର୍ଯ୍ଯନ୍ତ ଏକ୍ସପାରୀ ରହିଛି ।