ପ୍ରଜ୍ଞା ପଟ୍ଟନାୟକ

22/04/2023 at 9:46 PM

ଝାରସୁଗୁଡ଼ା: ଝାରସୁଗୁଡା ନିର୍ବାଚନ ପୂର୍ବରୁ ସରଗରମ ରାଜନୀତି। ଆଜି ବିଜେଡି ପକ୍ଷରୁ ଝାରସୁଗୁଡା ନିର୍ବାଚନ ମଣ୍ଡଳୀ କୋଲାବିରା ବ୍ଲକ ରଘୁନାଥପାଲିଠାରେ ମହିଳା କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏଥିରେ କୋଲାବିରା ଅଞ୍ଚଳର ବହୁ ମହିଳା ସାମିଲ ହୋଇଥିଲେ। ଅନେକ ମହିଳା ଶାସକ ଦଳକୁ ସମର୍ଥନ କରୁଥିବା ଦେଖିବାକୁ ମିଳିଥିଲା। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶଧାରାର ପ୍ରଶଂସା କରିବା ସହ ଓ ବିଜେଡିର ଝାରସୁଗୁଡ଼ା ପ୍ରାର୍ଥୀ ଦୀପାଳି ଦାସଙ୍କ ପ୍ରତି ସମର୍ଥନ ଜଣାଇଥିଲେ । ଏହି ସମ୍ମିଳନୀରେ ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ, ଦୀପାଳି ଦାସ ଏବଂ ବିଜେଡିର ବରିଷ୍ଠ ନେତୃମଣ୍ଡଳୀ ଉପସ୍ଥିତ ଥିଲେ l

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟର ବିକାଶ ପାଇଁ କରୁଥିବା କାର୍ଯ୍ୟ, ମହିଳାଙ୍କ ଉନ୍ନତି ପାଇଁ କରିଥିବା ଯୋଜନା ବିଷୟରେ ନିରଞ୍ଜନ ପୂଜାରୀ ଉପସ୍ଥିତ ମହିଳାମାନଙ୍କୁ ଅବଗତ କରାଇଥିଲେ । ଏହାସହ ଦୀପାଳିଙ୍କୁ ସମର୍ଥନ ଜଣାଇ ନବୀନ ପଟ୍ଟନାୟକଙ୍କ ହାତମୁଠାକୁ ଆହୁରି ଅଧିକ ଟାଣ କରିବାକୁ ଆହ୍ବାନ ଦେଇଥିଲେ ।

କର୍ମୀ ସମ୍ମିଳନୀରେ ଆଗାମୀ ଉପ ନିର୍ବାଚନ ପାଇଁ ରଣନୀତି ପ୍ରସ୍ତୁତ ହୋଇଥିବା କହିଛନ୍ତି ଦୀପାଳି । ଏହାସହ ଉପନିର୍ବାଚନରେ ବିଜେଡି ଭଲ ପ୍ରଦର୍ଶନ କରିବ ଓ ଆମେ ବଡ଼ ବ୍ୟବଧାନରେ ବିଜୟୀ ହେବୁ ବୋଲି କହିଛନ୍ତି ଦୀପାଳି।’