ରାଜୀବ ଲୋଚନ ମିଶ୍ର

29/07/2024 at 5:50 AM

ଗୋପାଳପୁର, ଗୋପାଳପୁର ଥାନା ଅନ୍ତର୍ଗତ କରାପଲ୍ଲୀ ମୁଖ୍ୟ ରାସ୍ତାରେ ଥିବା ସୁରୋମା ବନ୍ଦରୁ ସକାଳେ ଜଣେ ଯୁବତୀଙ୍କ ମୃତ ଦେହକୁ ପୁଲିସ ଉଦ୍ଧାର କରିଛି l ମୃତ ଯୁବତୀ ଜଣକ ହେଲେ ଗୋପାଳପୁର ହରିଜନ ସାହିର ସ୍ନେହଲତା ନାୟକ, ବୟସ ପ୍ରାୟ ୧୯ ବୋଲି ପୁଲିସ କହିଛି l ସୂଚନା ପ୍ରକାରେ ସ୍ନେହଲତା ଗତ ଶୁକ୍ରବାର ଦିନ ୧୧ ଘଣ୍ଟା ସମୟରେ ଘରୁ ଚାଲିଯାଇ ଥିବା ବେଳେ ତାଙ୍କର ମୋବାଇଲ ବନ୍ଦ ରହିଥିଲା l ପରିବାର ବହୁ ଖୋଜା ଖୋଜି କରିଥିଲେ ମଧ୍ୟ କୌଣସି ସୂଚନା ପାଇଁ ନଥିଲେ l ପରେ ଗୋପାଳପୁର ଥାନାରେ ନିଖୋଜ ଥିବା ନେଇ ଲିଖିତ ଅଭିଯୋଗ କରିଥିଲେ l ଅଭିଯୋଗ ପ୍ରକାରେ ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା l ଆଜି ସକାଳୁ କରାପଲ୍ଲୀ ମୁଖ୍ୟ ରାସ୍ତାରେ ଥିବା ପୋଖରୀରେ ଜଣକ ମୃତ ଦେହ ଭାସୁଥିବା ନେଇ ଗ୍ରାମର ଲୋକେ ଦେଖି ପୁଲିସକୁ ଖବର ଦେଇଥିଲେ l ଖବର ପାଇଁ ପୁଲିସ ଘଟଣା ସ୍ଥଳରେ ପହଞ୍ଚି ଦେଖିବା ବେଳେ ମୃତ ଶବଟି ଭାସୁ ଅଛି l ପରେ ଅଗ୍ନିଶମ ବାହିନୀ ପହଞ୍ଚି ଶବଟିକୁ ଉଦ୍ଧାର କରି କୂଳକୁ ଆଣିଥିଲେ l ଆଣିବା ପରେ ଶବଟି ଜଣେ ଯୁବତୀର ବୋଲି ଜାଣିବାକୁ ପୁଲିସ ପାଇଥିଲା l ଖବର ପ୍ରସାର ପରେ ମୃତଙ୍କ ପରିବାର ଖବର ପାଇଁ ସେଠାରେ ପହଞ୍ଚି ଶବ ଚିହ୍ନଟ କରିଥିଲେ l ପରେ ପୁଲିସ ବ୍ୟବଛେଦ ନିମନ୍ତେ ବ୍ରହ୍ମପୁର ମେଡିକାଲ ପଠାଇଥିଲା l ମୃତ ଯୁବତୀର ବାପା ନାରାୟଣ ନାୟକ ଅଭିଯୋଗ ପ୍ରକାରେ ପୁଲିସ କେସ ନମ୍ବର ୧୩/୨୪ ଅପମୃତ ମାମଲା ରୁଜୁ ଶବ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିବା ପୁଲିସ ସୂଚନା ଦେଇଛି l ଏ ନେଇ ବାପା ସ୍ନେହଲତାର ଦେହରେ ଖଣ୍ଡିଆ ଖାବରା ଚିହ୍ନ ଥିବାରୁ ଏହାର ତଦନ୍ତ କରାଯାଉ ବୋଲି ଅଭିଯୋଗ କରିଛନ୍ତି l ମୃତ ଯୁବତୀ ଜଣକ ଆଇଟିଆଇ ଦ୍ବିତୀୟ ବର୍ଷର ଛାତ୍ରୀ ଜଣାପଡିଛି l