ମହେନ୍ଦ୍ର କୁମାର ସାଇ4/08/2024 at 9:05 AM
ଝାରସୁଗୁଡା ୩/୮ (ଓଡ଼ିଶା ନ୍ୟୁଜ) ୪୯ ନଂ ଜାତୀୟ ରାଜପଥ ଝାରସୁଗୁଡା ଜିଲ୍ଲା ରେଙ୍ଗାଲି ଥାନା ଅନ୍ତର୍ଗତ ଜାମଗାଁ ଛକରେ ମାଲବାହୀ ଗାଡ଼ି ଧକ୍କାରେ ଏକ ଗାଈ ମୃତ୍ୟୁ ବରଣ କରିଥିବା ବେଳେ ଅନ୍ୟ ଟି ଗୁରୁତର ଆହତ ହୋଇଛି । ଦୁର୍ଘଟଣା ଘଟିବା ପରେ ଡ୍ରାଇଭର ଓ ହେଲପର ଫେରାର ହୋଇ ଯାଉଥିବା ବେଳେ ସ୍ଥାନୀୟ ଲୋକେ ଅଟକ ରଖି ପୁଲିସ ଜିମାରେ ଦେଇଥିବା ଜଣା ପଡ଼ିଛି ।
ସୂଚନା ମତେ ଆଜି ରାତି ପ୍ରାୟ ସାଢ଼େ ଦଶଟା ସମୟରେ ସିଜି-୦୪-ଏମଏମ-୦୧୮୭ ନମ୍ବର ବିଶିଷ୍ଟ ଏକ ମାଲବାହୀ ଗାଡ଼ି ବେଳପାହାଡ଼ ପଟୁ କନକତୋରା ପଟେ ଯାଉଥିବା ବେଳେ ଜାମଗାଁ ଛକରେ ପ୍ରଥମ ଗାଈକୁ ଧକ୍କା ମାରିବା ପରେ ଅନ୍ୟ ଏକ ଗାଈ ଉପରେ ଗାଡ଼ିଟି ଚଢ଼ି ଯାଇଥିଲା । ଫଳରେ ପ୍ରଥମ ଗାଈର ଗୋଡ଼ରେ ଗଭୀର ଆଘାତ ଲାଗି ଗୁରୁତର ଆହତ ହୋଇଥିବା ବେଳେ ଅନ୍ୟ ଗାଈଟି ଘଟଣା ସ୍ଥଳରେ ହିଁ ମୃତ୍ୟୁ ବରଣ କରିଥିଲା ।