ଓଡ଼ିଶା ଡଟ୍ ନ୍ୟୁଜ୍

9/08/2024 at 11:14 AM

ପୁରୀ: ପୁରୀରେ ଆତଙ୍କ । ଯୁବକଙ୍କୁ ଘରୁ ଡାକି ନେଇ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ । ଘଟଣା ଘଟିଛି ଟାଉନ ଥାନା ଅନ୍ତର୍ଗତ ହାଡଗୋଡିଆ ସାହିରେ । ମୃତ ଯୁବକ ହେଲେ ଦିନେଶ କୁମାର ଖୁଣ୍ଟିଆ ।

ଦିନେଶଙ୍କ ସମ୍ପର୍କୀୟଙ୍କ ଅଭିଯୋଗ ଅନୁଯାୟୀ, ଦିନେଶ ଘରେ ଥିଲା ବେଳେ ୫ ଜଣ ଯୁବକ ତାଙ୍କୁ ବାହାରକୁ ଆସିବାକୁ କହିଥିଲେ । ପରେ ସମ୍ପୃକ ଯୁବକମାନେ ତାଙ୍କୁ ଏକ ଧାରୁଆ ଅସ୍ତ୍ରରେ ଗୋଡ଼ାଇ ଗୋଡ଼ାଇ ହାଣିଥିଲେ । ଦିନେଶ ରାସ୍ତା ଉପରେ ରକ୍ତ ଜୁଡ଼ୁବଡୁ ଅବସ୍ଥାରେ ପଡ଼ିଥିବା ବେଳେ ସ୍ଥାନୀୟ ଲୋକେ ଏହା ଦେଖି ପରିବାର ଲୋକଙ୍କୁ ଖବର ଦେଇଥିଲେ ।

ପରିବାର ଲୋକେ ଦିନେଶଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୂର୍ବ ଶତ୍ରୁତାକୁ ନେଇ ଏହି ହତ୍ୟାକାଣ୍ଡ ଘଟିଥିବା ଜଣାଯାଇଛି । ପୋଲିସ ଏହି ଘଟଣାରେ ୩ ଜଣଙ୍କୁ ଅଟକ ରଖି ପଚରାଉରା କରୁଛି ।