ସୌମିତ୍ରି ମେହେର9/08/2024 at 1:05 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ବ୍ଲକ ର ବିଭିନ୍ନ ସ୍ଥାନରେ କିଛି ଦିନ ଧରି ଲଗାଣ ବର୍ଷା ଯୋଗୁଁ ବ୍ୟାପକ କ୍ଷୟକ୍ଷତି ହୋଇଛି l କେଉଁଠି ରାସ୍ତା ଧୋଇ ଯାଇ ଯୋଗାଯୋଗ ବିଚ୍ଛିନ୍ନ ହୋଇଥିବା ବେଳେ ଅନେକ ସ୍ଥାନରେ ବର୍ଷା ପାଣି ଜମି ରହିଥିବା ଦେଖାଯାଇଛି I ସୁବଳୟା ମଠ ସାହି ଏବେ ମଧ୍ୟ ବର୍ଷା ପାଣି ଘେରରେ ରହିଛି l ପ୍ରଶାସନ ପକ୍ଷରୁ ବର୍ଷା ପାଣି ନିଷ୍କାସନ ପାଇଁ ଗ୍ରାମବାସୀ ଦାବି କରିଛନ୍ତି I ହିଲୁଙ୍ଗ ପଂଚାୟତ ଅନ୍ତର୍ଗତ ରାଣୀପୁର ଗ୍ରାମ ର ଉମେଶ ମେହେର ଙ୍କର ମାଟି ଘର ବର୍ଷା ହେତୁ ଘର ଟି ସମ୍ପୂର୍ଣ ଭାଙ୍ଗି ରୁଜି ଯାଇଛି l ସେତେବେଳେ ପରିବାର ର କେହି ସେହି ଘରେ ନ ଥିବାରୁ କେହି ମୃତାହତ ହୋଇ ନାହାନ୍ତି l ଘରକରଣା, ଲୁଗାପଟା , ଧାନ ଚାଉଳ , ଆସବାବପତ୍ର ସବୁ ମାଟିରେ ପୋତି ହୋଇ ଯାଇଛି l କୌଳିକ ବୃତ୍ତି ଲୁଗା ବୁଣି ପରିବାର ଚଳାଉଥିବା ଉମେଶ ର ମଙ୍ଗlଶାଳ ଭାଙ୍ଗି ଯାଇଥିବା ଜଣାପଡ଼ିଛି l ପ୍ରାଶାସନିକ ସହାୟତା ଯୋଗାଇ ଦେବା ପାଇଁ ଦାବି ହେଉଛି l