ଓଡ଼ିଶା ଡଟ୍ ନ୍ୟୁଜ୍13/08/2024 at 2:11 PM
ଢେଙ୍କାନାଳ: ପ୍ରାୟ ସବୁଦିନ ସେ ପୋଖରୀରେ ଗାଧୋଇ ଥିଲେ । ହେଲେ ସେ ଜାଣି ନଥିଲେ ଏହି ପୋଖରୀ ଦିନେ ତାଙ୍କ ଜୀବନ ନେଇଯିବ ବୋଲି । ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ଥାନା ଅନ୍ତର୍ଗତ ଖୁରୀଭଙ୍ଗା ଗାଁରେ ପୋଖରୀରେ ବୁଡ଼ି ଜଣେ ଯୁବକଙ୍କ ଏମିତି ମୃତ୍ୟୁ ଘଟିଛି । ମୃତ ଯୁବକ ଜଣଙ୍କ ହେଲେ ଲକ୍ଷ୍ମଣ ମୁର୍ମୁ ।
ଲକ୍ଷ୍ମଣ ଚାଷ ଜମିରୁ ଫେରି ଗାଧୋଇବା ପାଇଁ ଗାଁ ପୋଖରୀକୁ ଯାଇଥିଲେ । ଗାଧୋଇବା ବେଳେ ସେ ପୋଖରୀରେ ବୁଡ଼ି ଯାଇଥିଲେ । ପରିବାର ଲୋକେ ଚାରିଆଡେ ତାଙ୍କୁ ବହୁତ ଖୋଜାଖୋଜି କରିଥିଲେ ମଧ୍ୟ ପାଇ ନଥିଲେ । ପରେ ପୋଖରୀରୁ ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି କାମାକ୍ଷାନଗର ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଲକ୍ଷ୍ମଣଙ୍କ ମୃତ୍ୟୁ ପରେ ପରିବାର ଶୋକର ଛାୟା ଖେଳିଯାଇଛି ।