ସୌମିତ୍ରି ମେହେର21/08/2024 at 6:15 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ ହିଙ୍ଗମା ଜୟ କିଷାନ ଉଚ୍ଚ ବିଦ୍ୟାଳୟ ଠାରେ ସ୍ଵଭାବକବି ଗଙ୍ଗାଧର ମେହେରଙ୍କ ୧୬୩ତମ ଜୟନ୍ତୀ ସମାରୋହ ପାଳିତ ହୋଇଯାଇଛି । ଏଥିରେ ପ୍ରଧାନଶିକ୍ଷକ ଦିଲ୍ଲୀପ କୁମାର ପାଢୀ ଏହାର ଉଦ୍ଦେଶ୍ୟ ସହ ଅତିଥି ପରିଚୟ ପ୍ରଦାନ କରିଥିଲେ। ମୁଖ୍ୟଅତିଥି ଭାବରେ ବିନିକା ସିଦ୍ଧାର୍ଥ କଲେଜର ଓଡିଆ ଭାଷା ଓ ସାହିତ୍ୟ ବିଭାଗ ଅଧ୍ୟାପକ ନିରଞ୍ଜନ ପାଣ୍ଡିଆ , ମୁଖ୍ୟବକ୍ତା ଭାବରେ ସାଗରପାଲି ଗଙ୍ଗାଧର ମେହେର ଉଚ୍ଚ ବିଦ୍ୟାଳୟ ର ହିନ୍ଦୀ ଶିକ୍ଷକ ବନବାସ ମେହେର ଯୋଗ ଦେଇ ଗଙ୍ଗାଧର ମେହେରଙ୍କ ବିଷୟରେ ଉଦବୋଧନ ଦେଇଥିଲେ।ସହକାରୀ ଶିକ୍ଷକ ପ୍ରକାଶ ଚନ୍ଦ୍ର ବିଶି ସଭା ପରିଚାଳନା କରିଥିବା ବେଳେ ଶିକ୍ଷକ ବିଶ୍ଵନାଥ ପାଣିଗ୍ରାହୀ ଧନ୍ୟବାଦ ଅର୍ପଣ ଦେଇଥିଲେ। ଏଥିରେ ଶିକ୍ଷକ ଅନ୍ତରାମ ମେଣ୍ଡିଲି , ଅଶୋକ ଭୋଇ, କରୁଣା ମଲ୍ଲିକ , ଅରବିନ୍ଦ ପାଢୀ , ତ୍ରୟମ୍ବକ ଭୋଇ , ହିମାଂଶୁ ପଧାନ , ସୁଶୀଳ ଭୋଇ , ପ୍ରହଲ୍ଲାଦ ରାଉତ , ଅଭିମନ୍ୟୁ ଡାଙ୍ଗ ଓ ଶିକ୍ଷୟତ୍ରୀ ପୁଷ୍ପାଞ୍ଜଳି ପଣ୍ଡା ସହଯୋଗ କରିଥିଲେ। ଉକ୍ତ କାର୍ଯ୍ୟକ୍ରମରେ ସ୍କୁଲ ର ସମସ୍ତ ଛାତ୍ରଛାତ୍ରୀ , ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ।