ସୌମିତ୍ରି ମେହେର27/08/2024 at 12:20 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ରାଧିକା କଲ୍ୟାଣ ମଣ୍ଡପ ଠାରେ ରବିବାର ଦିନ ସୁବର୍ଣ୍ଣପୁର ଜିଲ୍ଲା ଶ୍ରୀକୃଷ୍ଣ ଚୈତନ୍ୟ ସଙ୍କୀର୍ତ୍ତନ ସଂଘର ଏକ ଗୁରୁତ୍ଵପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି l ଗୁରୁ ସନ୍ତୋଷ କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସଂଘର ବିଭିନ୍ନ ଦିଗ ଉପରେ ଆଲୋଚନା କରିଥିଲେ l ଏହି ଅବସରରେ ଏକ ନୂତନ କମିଟି ଗଠନ କରାଯାଇଥିଲା l ଏଥିରେ ସଭାପତି ଭାବରେ ବିଶିଷ୍ଟ ସଙ୍କୀର୍ତ୍ତନ ନାୟକ ଗୁରୁ ଦାମୋଦର ମେହେର ସର୍ବସମ୍ମତିକ୍ରମେ ମନୋନୀତ ହୋଇଥିବା ବେଳେ, କାର୍ଯକାରୀ ସଭାପତି ଭାବରେ ବିଶିଷ୍ଟ ସଙ୍କୀର୍ତ୍ତନ ଗୁରୁ ପୁରାଣ ଗାୟକ ସନ୍ତୋଷ ପଣ୍ଡା ରହିଛନ୍ତି I ଉପସଭାପତି ଭାବରେ ଗୁରୁ ସୁରେନ୍ଦ୍ର ପୁରୋହିତ, ସମ୍ପାଦକ ରାଧେଶ୍ୟାମ ସାହୁ , ସହ ସମ୍ପାଦକ ରଞ୍ଜନ ପଧାନ ଏବଂ କୋଷାଧ୍ୟକ୍ଷ ଭାବରେ ଗୌତମ ଦେହୁରୀ ସର୍ବ ସମ୍ମତି କ୍ରମେ ମନୋନୀତ ହୋଇଥିଲେ l ଏହି ବୈଠକରେ ଜିଲ୍ଲାର ବିଭିନ୍ନ ସ୍ଥାନରୁ ଶତାଧିକ ସଂକୀର୍ତନ ଗୁରୁ ସାମିଲ ହୋଇଥିଲେ। ନୁତନ କାର୍ଯ୍ୟକର୍ତ୍ତା ଚୟନ ହେବାପରେ ସମସ୍ତ ବ୍ଳକ କମିଟି ପୁନର୍ଗଠନ କରିବା ସହିତ ସଙ୍କିର୍ତନ୍ୟ ଗାୟକ ବାଦକ ପାଳିଆ ମାନଙ୍କ ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା I ବିନିକା ବ୍ଳକ ସଭାପତି ଭାବରେ ସୁଦର୍ଶନ ନାଥଙ୍କୁ ମନୋନୀତ କରାଯାଇଥିଲା । ଶେଷରେ ଦୁର୍ଗା ମନ୍ଦିରରେ ସାମୁହିକ ପ୍ରସାଦ ସେବନ ଅନୁଷ୍ଠିତ ହୋଇଥିଲା ।