ସୌମିତ୍ରି ମେହେର4/09/2024 at 6:02 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍କା ବୀରମହାରାଜପୁର ବ୍ଲକ ଆଞ୍ଚଳିକ ଉଚ୍ଚ ବିଦ୍ୟାପୀଠ, କେନଝିରିଆପାଲି ଠାରେ ସ୍ୱଚ୍ଛତା ପକ୍ଷ ପାଳିତ ହୋଇଯାଇଛି। ଉକ୍ତ ପକ୍ଷ ର ଦ୍ଵିତୀୟ ଦିବସର ପ୍ରାର୍ଥନା ସଭାରେ ସହକାରୀ ଶିକ୍ଷକ ଦିନବନ୍ଧୁ ପ୍ରଧାନ ଛାତ୍ରଛାତ୍ରୀ ମାନଙ୍କୁ ସ୍ୱଚ୍ଛତା ସମ୍ବନ୍ଧିୟ ଶପଥ ପାଠ କରାଇଥିଲେ । ପ୍ରଧାନ ଶିକ୍ଷକ ବ୍ରଜମୋହନ ବାରିକ ଙ୍କ ଅଧ୍ୟକ୍ଷତା କ୍ରମେ ଆୟୋଜିତ ସଭାରେ ବିଦ୍ୟାଳୟ ପରିସର କିପରି ପରିଚ୍ଛନ୍ନତା ରଖାଯିବ ସେ ସମ୍ପର୍କ ରେ ଆଲୋଚନା କରାଯାଇଥିଲା। ପରିଚାଳନା କମିଟି ର ସଭ୍ୟ ସଭ୍ୟା ବିଦ୍ୟାଳୟର ପରିଷ୍କାର ଓ ପରିଚ୍ଛନ୍ନତା ନିରୀକ୍ଷଣ କରିବା ସହ ଏକ ସୁନ୍ଦର ଶୈକ୍ଷିକ ବାତାବରଣ ସୃଷ୍ଟି କରିବାକୁ ସମସ୍ତଙ୍କୁ ଅନୁରୋଧ କରିଥିଲେ। ସହକାରୀ ଶିକ୍ଷକ ପ୍ରମୋଦ କୁମାର ପାତ୍ର, ଜୀବର୍ଦ୍ଧନ ରଣା , ଗୌରୀଶଙ୍କର ପୁଜାହାରୀ , ମୀନକେତନ ରଣା ପ୍ରମୁଖ ସ୍ୱଚ୍ଛତା ସମ୍ପର୍କରେ ନିଜର ବକ୍ତବ୍ୟ ରଖିଥିଲେ। ବିଦ୍ୟାଳୟର ପରିସର ସଫାସୁତୁରା କାର୍ଯ୍ୟକ୍ରମ ରେ ବିଦ୍ୟାଳୟ ର କର୍ମଚାରୀ ସତ୍ୟନାରାୟଣ ରାଜହଂସ , ସି୍ଧେଶ୍ୱର ମେଣ୍ଡିଲି , ଚିତ୍ତରଞ୍ଜନ ପଧାନ , ସରୋଜ କୁମାର ଭୁକ୍ତା ପ୍ରମୁଖ ସହଯୋଗ କରିଥିଲେ l