ଓଡ଼ିଶା ଡଟ୍ ନ୍ୟୁଜ୍

8/09/2024 at 5:58 PM

ବାଲେଶ୍ବର: ମଦ କାଉଣ୍ଟରରେ ଯୁବକଙ୍କୁ ଛୁରାମାଡ଼ । ଘଟଣା ଘଟିଛି ବାଲେଶ୍ବର ଜିଲ୍ଲା ଟାଉନ ଥାନା ହେମକାପଦା ମଦ କାଉଣ୍ଟର ନିକଟରେ । ଆକ୍ରମଣରେ ଯୁବକ ଜଣଙ୍କ ଗୁରୁତ ଆହତ ହୋଇଛନ୍ତି । ଆକ୍ରମଣ ପରେ ଯୁବକ ଜଣଙ୍କ ଫେରାର ହୋଇଯାଇଛି । ଆହତ ଯୁବକ ଜଣଙ୍କ ହେଲେ ଶେଖ ସଲିମ ।
ଗତକାଲି ରାତିରେ ସଲିମ ଟାଉନ ଥାନା ହେମକାପଦା ମଦ କାଉଣ୍ଟର ନିକଟରେ ଥିଲେ । ଏହି ସମୟରେ ଜଣେ ଦୁର୍ବୃତ୍ତ ତାଙ୍କୁ ଛୁରିରେ ଅତର୍କିତ ଆକ୍ରମଣ କରିଥିଲେ । ସଲିମଙ୍କ ଚିତ୍କାର ଶୁଣି ନିକଟରେ ଥିବା ଲୋକେ ରୁଣ୍ଡ ହୋଇ ଯିବାରୁ ଦୁର୍ବୃତ୍ତ ଜଣଙ୍କ ଫେରାର ହୋଇଯାଇଥିଲେ ।
ତାଙ୍କୁ ଉଦ୍ଧାର କରାଯାଇ ପ୍ରଥମେ ବାଲେଶ୍ୱର ମେଡିକାଲ ଓ ପରେ କଟକ ସ୍ଥାନାନ୍ତର କରାଯାଇଛି । ତାଙ୍କ ପେଟରେ ଦୁଇଟି ଜାଗାରେ ଛୁରାମାଡ ହୋଇଛି । ଘଟଣାକୁ ନେଇ ବାଲେଶ୍ୱର ମେଡିକାଲରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା । ଖବର ପାଇ ବାଲେଶ୍ୱର ଟାଉନ ଥାନା ପୋଲିସ ପହଞ୍ଚି ସ୍ଥିତିକୁ ନିୟନ୍ତ୍ରଣ କରିଛି । କିଏ ଓ କାହିଁକି ଏହି ଛୁରାମାଡ଼ କରିଛି ତାହା ସ୍ପଷ୍ଟ ହୋଇନି।