ସୌମିତ୍ରି ମେହେର12/09/2024 at 10:09 AM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବିଶାଲପାଲି ସ୍କୁଲ ଖେଳ ପଡ଼ିଆରେ ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଏଥିରେ ସୁବଳୟା ଦଳ ଚମ୍ପିଆନ୍ ଘୋଷିତ ହୋଇଛି I ଉଦଘାଟନୀ ଉତ୍ସବରେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟ ଅତିଥି ଏବଂ ସ୍ଥାନୀୟ ୟୁପି ସ୍କୁଲ ର ପ୍ରଧାନ ଶିକ୍ଷକ ନାରାୟଣ ସହୁ , ପୂର୍ବତନ ସରପଞ୍ଚ ଧର୍ମେନ୍ଦ୍ର ମେହେର ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଟୁର୍ଣ୍ଣାମେଣ୍ଟ କୁ ଉଦଘାଟନ କରିଥିଲେ। ପ୍ରଥମ ମ୍ୟାଚ ଟି ବିଶାଳପାଲି ଓ ଜଟେସିଂହା ମଧ୍ୟରେ ହୋଇଥିବା ବେଳେ ଏଥିରେ ଜଟେସିଂହା ୧-୦ ଗୋଲ ରେ ବିଜୟୀ ହୋଇଥିଲା । ଦ୍ଵିତୀୟ ମ୍ୟାଚ୍ ଟି ବୀରମହାରାଜପୁର ଓ ସୁବଳୟା ମଧ୍ୟରେ ହୋଇଥିଲା । ଏଥିରେ ସୁବଳୟା ୨-୦ ଗୋଲ ରେ ବିଜୟୀ ହୋଇଥିଲା । ତୃତୀୟ ମ୍ୟାଚ୍ ଟି କୁତମେଣ୍ଡା ଓ ଫୁଲଚରା ମଧ୍ୟରେ ହୋଇଥିଲା। ଏଥିରେ ଫୁଲଚରା ଦଳ ୧-୦ ଗୋଲ ରେ ବିଜୟୀ ହୋଇଥିଲା । ଚତୁର୍ଥ ମ୍ୟାଚ୍ ଟି ବିଶିପଡା ଓ ଲାତୁରପେଟ ମଧ୍ୟରେ ମଧ୍ୟରେ ହୋଇଥିଲା। ନିର୍ଦ୍ଧାରିତ ସମୟ ଗୋଲ୍ ଶୂନ୍ୟ ହେବାରୁ ପେନାଲଟି ସୁଟ ଆଉଟ୍ ରେ ୩-୨ ଗୋଲ ରେ ଲାତୁରପେଟ ବିଜୟୀ ହୋଇଥିଲା। ପ୍ରଥମ ସେମି ଫାଇନାଲ ଟି ଜଟେସିଂହା ଓ ଫୁଲଚାରା ମଧ୍ୟରେ ହୋଇଥିବା ବେଳେ ଏଥିରେ ଫୁଲଚରା ୧-୦ ଗୋଲରେ ବିଜୟୀ ହୋଇଥିଲା। ଦ୍ଵିତୀୟ ସେମି ଫାଇନାଲ ଟି ସୁବଳୟା ଓ ଲତୁରପେଟ ମଧ୍ୟରେ ହୋଇଥିବା ବେଳେ ଏଥିରେ ସୁବଳୟା ୧-୦ ଗୋଲରେ ବିଜୟୀ ହୋଇ ଫାଇନାଲ ରେ ପ୍ରବେଶ କରିଥିଲା । ଫାଇନାଲ ମ୍ୟାଚ୍ ଟି ସୁବଳୟା ଓ ଫୁଲଚରା ମଧ୍ୟରେ ହୋଇଥିବା ବେଳେ ନିର୍ଦ୍ଧାରିତ ସମୟର ଗୋଲ ଶୂନ୍ୟ ରହିଥିଲା । ପେନାଲଟି ରେ ୫-୩ ଗୋଲ ରେ ବିଜୟୀ ହୋଇ ସୁବଳୟା ଚାମ୍ପିଅନ ହୋଇଥିଲା। ଉଭୟ ଚାମ୍ପିଅନ ଓ ରନର୍ସ ଅଫ ଦଳ କୁ ନଗଦ ଅର୍ଥ ରାଶି ସହିତ ଟ୍ରଫି ପୁରସ୍କୃତ କରାଯାଇଥିଲା।