ସୌମିତ୍ରି ମେହେର12/09/2024 at 1:51 PM
ବୀରମହାରାଜପୁର : (ସୌମିତ୍ରି ମେହେର )
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ବ୍ଲକ ସଭାଗୃହରେ ୱାର୍ଡ ମେମ୍ବରଙ୍କ ଏକ ଦିବସୀୟ ତାଲିମ ଶିବିର ଅନୁଷ୍ଠିତ ହୋଇଯାଇଛି l ରାଜ୍ୟ ଗ୍ରାମ୍ୟ ଉନ୍ନୟନ ପ୍ରତିଷ୍ଠାନ , ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଆନୁକୁଲ୍ୟରେ ଏହି ଶିବିର ଆୟୋଜିତ ହୋଇଥିଲା I ଜିଲ୍ଲା ପରିଷଦ ଆୟୋଜକ କ୍ରମେ ଅନୁଷ୍ଠିତ ଏହି ଶିବିରରେ ତାଲିମଦାତା ଭାବେ ଅତିରିକ୍ତ ପ୍ରକଳ୍ପ ନିର୍ଦ୍ଦେଶିକା ଶୈବାଲିନୀ ପଟ୍ଟନାୟକ ଓ ମନରେଗା ଜିଲ୍ଲା ସଂଯୋଜିକା ଶୈବାଲି ଦାସ ଯୋଗ ଦେଇ ଉଦଘାଟନ କରିଥିଲେ I ଶିବିର ରେ ୱାର୍ଡ଼ ସଭ୍ୟ ସଭ୍ୟା ଙ୍କ ଭୂମିକା , କ୍ଷମତା , ଦାୟିତ୍ଵ , ଗ୍ରାମସଭା , ପଞ୍ଚାୟତ ବୈଠକ , ପଲ୍ଲୀ ସଭା ତଥା ପଞ୍ଚାୟତ ର ଆୟବ୍ୟୟ ଉପରେ ତାଲିମ ଦିଆଯାଇଥିଲା I ଉକ୍ତ ଶିବିରରେ ଚମ୍ପାମାଲ୍ , ଜଟେସିଂହା , ହିଲୁଙ୍ଗ , ଖଣ୍ଡହତl ଓ କମିରା ଆଦି ପାଞ୍ଚ ଟି ପଞ୍ଚାୟତର 72 ଜଣ ୱାର୍ଡମେମ୍ବର ମଧ୍ୟରୁ 53 ଜଣ ପ୍ରଶିକ୍ଷଣ ନେଇଥିଲେ I ସତ୍ୟ ନନ୍ଦ ଓ ବ୍ରହ୍ମାନନ୍ଦ ସାହୁ ତାଲିମ ପ୍ରଦାନ କରିଥିଲେ l