ସୌମିତ୍ରି ମେହେର13/09/2024 at 8:05 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଦୁର୍ଜନତୈଲା ଗ୍ରାମ ପଞ୍ଚାୟତ ର ଦାଦରପାଲି ଗ୍ରାମରେ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଜିବିଏନ କ୍ଲବ ଓ ଗ୍ରାମବାସୀ ଙ୍କ ମିଳିତ ଆନୁକୁଲ୍ୟରେ ସ୍ଥାନୀୟ ସମିତିସଭ୍ୟା ଙ୍କ ପ୍ରତିନିଧି ଲମ୍ବୋଦର ମହାକୁର ସଭାପତିତ୍ବ କରିଥିଲେ I ଆୟୋଜିତ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ରେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟ ଅତିଥି ଭାବେ ଯୋଗଦେଇ ନୂଆଁଖାଇ ଅବସର ରେ ସଂସ୍କୃତି ବାର୍ତ୍ତା ପ୍ରଦାନ କରିଥିଲେ । ଅନ୍ୟ ମାନଙ୍କ ମଧ୍ୟରେ ପୂର୍ବତନ ସରପଞ୍ଚ ରଞ୍ଜିତ ଖେତୀ , ଗ୍ରାମର ବରିଷ୍ଠ ନାଗରୀକ ଜଗଦୀଶ ମହାକୁର , ଗ୍ରାମ୍ୟ ପରିଚାଳନା କମିଟିର ସଭାପତି ପବିତ୍ର ପର୍ଡିଆ , ରେଙ୍ଗାଲି ପଞ୍ଚାୟତ ର ପୂର୍ବତନ ସରପଞ୍ଚ ରଘୁନାଥ ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ। ସନତ ମହାକୁର କାର୍ଯ୍ୟକ୍ରମ କୁ ସଂଯୋଜନା କରିଥିଲେ। ବିହାରୀ ମହାକୁର ଅତିଥି ପରିଚୟ ପ୍ରଦାନ , ରାଜେନ୍ଦ୍ର ମହାକୁର ସ୍ବାଗତ ଭାଷଣ ପ୍ରଦାନ କରିଥିଲେ। ଶେଷରେ ରାଜାରାମ ନାୟକ ଧନ୍ୟବାଦ ଅର୍ପଣ କରିଥିଲେ । ଏ ଅବସରରେ ଚଳିତ ବର୍ଷ ଯୁକ୍ତି ଦୁଇ ପରୀକ୍ଷା ରେ ଗ୍ରାମର ଅର୍ଜୁନ ପ୍ରଧାନ ଓ ମାଟ୍ରିକ ପରୀକ୍ଷାରେ ସର୍ବାଧିକ ନମ୍ବର ରଖି ଥିବା ମୁନ୍ନା ପ୍ରସାଦ ମହାକୁର ଙ୍କୁ ସ୍ଵତନ୍ତ୍ର ଭାବେ ସମ୍ବର୍ଦ୍ଧିତ କରାଯାଇଥିଲା । ଏହା ବ୍ୟତୀତ ନୃତ୍ୟ , ଗୀତ , ବକୃତା ଓ କୁଇଜ୍ ପ୍ରତିଯୋଗିତା କରାଯାଇ କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା। ଶେଷରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। କାର୍ଯ୍ୟକ୍ରମ ପରିଚାଳନା ରେ ଆୟୋଜକ ଅନନ୍ତ ମେଣ୍ଡିଲି , ଓମ୍ ପ୍ରକାଶ ମହାକୁର , ରୋହିତ ନାୟକ , ରାହୁଲ ମହାକୁର ପ୍ରମୁଖ ସହଯୋଗ କରିଥିଲେ।