ରାଜୀବ ଲୋଚନ ମିଶ୍ର21/09/2024 at 11:35 AM
ଗୋପାଳପୁର ୨୧/୯
ବ୍ରହ୍ମପୁର ବିଶ୍ଵବିଦ୍ୟାଳୟ ନୂତନ ସମ୍ମିଳନୀ କକ୍ଷ ରେ ଶୁକ୍ରବାର ଅପରାହ୍ନରେ କୁଳପତି ପ୍ରଫେସର ଗୀତାଞ୍ଜଳି ଦାଶ ଏଵଂ ସଂଗଠନର ସଭାପତି ପ୍ରଫେସର ଜୟନ୍ତ କୁମାର ମହାପାତ୍ର ଙ୍କ ନିର୍ଦ୍ଦେଶ କ୍ରମେ ୨୦୨୪ ଶିକ୍ଷା ବର୍ଷର ବ୍ରହ୍ମପୁର ବିଶ୍ଵବିଦ୍ୟାଳୟ ପୁରାତନ ଛାତ୍ର ସଂଗଠନ ର ପ୍ରଥମ ବୈଠକ ସ୍ନାତକୋତ୍ତର ବିଭାଗର ଅଧକ୍ଷ ପ୍ରଫେସର୍ ସୁକାନ୍ତ କୁମାର ତ୍ରିପାଠୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ମୁଖ୍ୟଅତିଥି ରୂପେ ଭାରତୀୟ ପ୍ରଦ୍ୟୋଗିକ ପ୍ରତିଷ୍ଠାନ ମାଡ୍ରାସ ର ବ୍ରହ୍ମପୁର ବିଶ୍ଵବିଦ୍ୟାଳୟ ର ପ୍ରଫେସର ତଥା ପୁରାତନ ଛାତ୍ର ପ୍ରଫେସର ପ୍ରଶାନ୍ତ କୁମାର ତ୍ରିପାଠୀ ଯୋଗ ଦେଇ ‘ବ୍ରହ୍ମପୁର ବିଶ୍ଵବିଦ୍ୟାଳୟରୁ ଭାରତୀୟ ପ୍ରଦ୍ୟୋଗିକ ପ୍ରତିଷ୍ଠାନ ମାଡ୍ରାସ ପର୍ଯ୍ୟନ୍ତ ଯାତ୍ରା ‘ ଶୀର୍ଷକ ଉପରେ ବ୍ରହ୍ମପୁର ବିଶ୍ବବିଦ୍ୟାଳୟର ଛାତ୍ର ଜୀବନରୁ ଭାରତୀୟ ପ୍ରଦ୍ୟୋଗିକ ପ୍ରତିଷ୍ଠାନ ମାଡ୍ରାସ୍ ପ୍ରାଧ୍ୟାପକ ପର୍ଯ୍ୟନ୍ତ ନିଜର ଜୀବନ ଅନୁଭୂତିକୁ ଛାତ୍ର ମାନଙ୍କୁ କହିଥିଲେ। ଉଚ୍ଚଶିକ୍ଷା ଓ ଗବେଷଣାର ମହତ୍ତ୍ଵ ସମ୍ପର୍କରେ ଆଲୋକପାତ କରିଥିଲେ। ପୁରାତନ ଛାତ୍ର ସମ୍ମିଳନୀର ଉପସଭାପତି ପ୍ରଫେସର ସିଦ୍ଧାର୍ଥ ଶଙ୍କର ପଣ୍ଡା ସ୍ବାଗତ ଭାଷଣ, ଅତିଥି ପରିଚୟ ଓ ସମ୍ମିଳନୀର ଆଭିମୁଖ୍ୟ ସମ୍ପର୍କରେ ସୂଚନା ଦେଇଥିଲେ. ସ୍ନାତକୋତ୍ତର ର କିଛି ଛାତ୍ର ଛାତ୍ରୀ ଙ୍କ ମନରେ ଥିବା ପ୍ରଶ୍ନର ଉତ୍ତର ମଧ୍ୟ ମୁଖ୍ୟ ଅତିଥି ଦେଇଥିଲେ। ଶେଷରେ ସମ୍ପାଦକ ଡ଼. ସତ୍ୟନାରାୟଣ ସାହୁ ଧନ୍ୟବାଦ୍ ଅର୍ପଣ କରିଥିଲେ।ବିଶ୍ଵବିଦ୍ୟାଳୟ ପକ୍ଷରୁ ମୁଖ୍ୟଅତିଥି ଙ୍କୁ ଉପଢୌକନ, ପୁଷ୍ପଗୁଛ ସହ ଉପହାର ଦେଇ ସମ୍ମାନିତ କରାଯାଇଥିଲା।