ରାଜାରାମ ଷଡଙ୍ଗୀ2/10/2024 at 6:47 PM
ସମ୍ବଲପୁର:ପବିତ୍ର ମହାଳୟା ତିଥି ଅବସରରେ ମହାନଦୀ ବାଲୁଙ୍କେଶ୍ୱର ଘାଟରେ ପୂର୍ବପୁରୁଷ ଙ୍କର ଉଦ୍ୟେଶ୍ୟ ରେ ତିଳତର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ପୁରାତନ କାଳରୁ ଏହି ଘାଟରେ ଚାଲିଆସୁଥିବା ତିଲତର୍ପଣ କାର୍ଯ୍ୟକ୍ରମ କିଛି ବର୍ଷ ହୋଇପାରିନଥିବା ବେଳେ, ନନ୍ଦପଡା ର ସଂଜୀବ ଗୁରୁ, ଶାନ୍ତନୁ ଶତପଥି, ବିବେକା ମିଶ୍ର, ସୁବାଷ ନନ୍ଦ, ନିରଞ୍ଜନ ମିଶ୍ର, ଦୁର୍ଗାମାଧବ ମିଶ୍ର ଙ୍କର ପ୍ରୟାସ କ୍ରମେ ପୁଣି ଏହି ବିଶେଷ ସନାତନୀ କାର୍ଯ୍ୟକ୍ରମ ବାଳୁଙ୍କେଶ୍ୱର ଘାଟ ରେ ଆଜି ସକାଳ ୦୭ଟା ସମୟରେ ଅନୁଷ୍ଠିତ ହୋଇଯାଇଛି l ପଣ୍ଡିତ ଶଶାଙ୍କ ମିଶ୍ର ଙ୍କର ପୌରହିତ୍ୟ ରେ ଏହି ପିତୃ ପୁରୁଷଙ୍କର ଉଦ୍ୟେଶ୍ୟ ରେ ତିଲତର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ୪୦ରୁ ଉର୍ଦ୍ଧ ବ୍ୟକ୍ତି ସାମିଲ ହୋଇଥିଲେ l ଏହି କାର୍ଯ୍ୟକ୍ରମ କୁ ନନ୍ଦପଡା ବ୍ରାହ୍ମଣ ସମାଜ ସକ୍ରିୟ ସହଯୋଗ କରିଥିଲେ।