ଓଡ଼ିଶା ଡଟ୍ ନ୍ୟୁଜ୍8/10/2024 at 1:49 PM
ସାଲେପୁର: ସାଲେପୁର ରଟିଲୋ ଗାଁରେ ବେଆଇନ୍ ବାଣ ଗୋଦାମ ଉପରେ ଚଢାଉ । ସାଲେପୁର ଏସ୍ଡିପିଓଙ୍କ ନେତୃତ୍ୱରେ ପୋଲିସ ଅଫିସରମାନେ ଚଢାଉ କରିଛନ୍ତି । ଏହି ଚଢାଉରେ ବିପୁଳ ପରିମାଣର ବାଣ ଜବତ ହୋଇଛି । ଯାହାର ଆନୁମାନିକ ମୂଲ୍ୟ ୨୦ ଲକ୍ଷରୁ ଅଧିକ ହେବ ।
କୌଣସି ସୁତ୍ରରୁ ଖବର ପାଇ ମଙ୍ଗଳବାର ସକାଳୁ ସକାଳୁ ସାଲେପୁର ଡିଏସ୍ପିଙ୍କ ନେତୃତ୍ୱରେ ଚଢାଉ ହୋଇଥିଲା । ଦୁଇଟି ଥାନାର ଅଧିକାରୀ ସମେତ ପୋଲିସ କର୍ମଚାରୀଙ୍କ ଉପସ୍ଥିତିରେ କିଶନ ନଗର ଅଧୀନ ରଟିଲୋ ହରିପୁର ଗାଁରେ ଥିବା ଏକ ବାଣ ଗୋଦାମରେ ଚଢାଉ ହୋଇଛି । ଯେଉଁ ଚଢାଉରେ ପୋଲିସକୁ ୨୦ ଲକ୍ଷରୁ ଅଧିକ ଟଙ୍କାର ବାଣ ଜବତ ହୋଇଛି । ଆଗାମୀ ଦିନରେ ଦୀପାବଳି ପୂଜା ପାଇଁ ସବୁ ବାଣ ପ୍ରସ୍ତୁତି ହୋଇ ମହଜୁଦ୍ ରହିଥିଲା ବୋଲି ସୂଚନା ମିଳିଛି । ତେବେ ଏଠାରେ ପ୍ରସ୍ତୁତ ହେଉଥିବା ବାଣ ପାଇଁ ଲାଇସେନ୍ସ ଅଛି ନା ବେଆଇନ୍ ଭାବେ କରାଯାଉଥିଲା ତାହାର ଯାଞ୍ଚ ଚଲାଇଛି ପୋଲିସ ।