ସୌମିତ୍ରି ମେହେର8/11/2024 at 8:55 PM
ବୀରମହାରାଜପୁର : (ସୌମିତ୍ରି ମେହେର) ଜିଲ୍ଲା ପ୍ରଶିକ୍ଷଣ ପ୍ରତିଷ୍ଠାନ , ସୋନପୁର ଠାରେ ଆୟୋଜିତ ଜିଲ୍ଲା ସ୍ତରୀୟ ସୁରଭି କାର୍ଯ୍ୟକ୍ରମ ରେ ବୀରମହାରାଜପୁର ବାଳକ ହାଇସ୍କୁଲ ର ଦଶମ ଶ୍ରେଣୀ ର ଛାତ୍ର ଶୁଭମ୍ ମେହେର ଉଭୟ ଓଡ଼ିଆ ବକ୍ତୃତା ଓ ଓଡ଼ିଆ ଇଲୋକୁସନ୍ ରେ ପ୍ରଥମ ସ୍ଥାନ ଅଧିକାର କରି ରାଜ୍ୟ ସ୍ତରୀୟ ସୁରଭି ନିମନ୍ତେ ମନୋନୀତ ହୋଇଛନ୍ତି । ସେ ଗତ ବର୍ଷ ମଧ୍ୟ ରାଜ୍ୟ ସ୍ତରୀୟ ସୁରଭି ରେ ଓଡ଼ିଆ ଇଲୋକୁସନ୍ ରାଜ୍ୟ ସ୍ତରରେ ପ୍ରଥମ ହୋଇଥିଲେ । ସେହିପରି ଜିଲ୍ଲା ସ୍ତରୀୟ କଳାଉତ୍ସବ ରେ ବିଦ୍ୟାଳୟ ର ନବମ ଶ୍ରେଣୀ ଛାତ୍ର ସୁବ୍ରତ ମେହେର ପାରମ୍ପରିକ ଗଳ୍ପ କଥନ ବର୍ଗ ରେ ପ୍ରଥମ ହୋଇ ପି ଆର୍ ହାଇସ୍କୁଲ ,ବଲାଙ୍ଗୀର ରେ ହେବାକୁଥିବା ଜୋନାଲ ସ୍ତର କୁ ମନୋନୀତ ହୋଇଛନ୍ତି । ଉଭୟ ଛାତ୍ରଙ୍କ କୃତିତ୍ୱ ନିମନ୍ତେ ପ୍ରଧାନଶିକ୍ଷକ ନିରଞ୍ଜନ ଦାଶ ଖୁସି ବ୍ୟକ୍ତ କରିବା ସହ ପରବର୍ତ୍ତୀ ପର୍ଯ୍ୟାୟ ରେ ସେମାନଙ୍କ ସଫଳତା କାମନା କରିଛନ୍ତି ।