ଓଡ଼ିଶା ଡଟ୍ ନ୍ୟୁଜ୍9/11/2024 at 3:57 PM
କଟକ: ଦାଦାବଟି ପାଇଁ ବୋମାମାଡ଼ । ଠିକା ସଂସ୍ଥା ଉପରେ ହୋଇଛି ବୋମାମାଡ଼ । ଘଟଣା ଘଟିଛି କଟକ ଜିଲ୍ଲା ବାଙ୍କୀ କଇଁମୁଣ୍ଡି ଛକରେ । ବୋମାମାଡ଼ରେ କେହି ମୃତାହତ ହୋଇ ନଥିଲେ ବି ଠିକାସଂସ୍ଥାରେ ନିୟୋଜିତ ମେସିନ୍ କ୍ଷତିଗ୍ରସ୍ତ ହୋଇଛି ।
ଅଭିଯୋଗ ଅନୁସାରେ, କାଇଁମୁଣ୍ଡି ଗାଁରେ ଏକ ସେତୁ ନିର୍ମାଣ ଚାଲିଥିବା ବେଳେ ଏହାର ଠିକାଦାରଙ୍କୁ ଦୁର୍ବୁତ୍ତମାନେ ଦାଦାବଟି ମାଗିଥିଲେ । ଠିକାଦାର ବଟି ଦେବାକୁ ମନା କରିବାରୁ ଗତକାଲି ବିଳମ୍ବିତ ରାତିରେ ଦୁର୍ବୁତ୍ତମାନେ ଦୁଇଟି ବୋମାମାଡ଼ କରିଥିବା ସନ୍ଦେହ କରାଯାଉଛି । ଅଭିଯୋଗ ପରେ ବାଙ୍କୀ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଏନଇ ପୋଲିସ କିମ୍ବା ଠିକାଦାରଙ୍କର କୌଣସି ପ୍ରତିକ୍ରିୟା ମିଳିନାହିଁ ।