ଓଡ଼ିଶା ଡଟ୍ ନ୍ୟୁଜ୍9/11/2024 at 3:58 PM
ଅନୁଗୋଳ: ହାତୀ ଘଉଡାଇବା ହେଲା କାଳ । ହାତୀ ଗୋଡ ତଳେ ଚାଲିଗଲା ବୃଦ୍ଧଙ୍କ ଜୀବନ । ଘଟଣା ଘଟିଛି ଅନୁଗୋଳ ଜିଲ୍ଲା ବଅଁରପାଳ ଥାନା ଅନ୍ତର୍ଗତ ସନ୍ତ୍ରୀ ପଞ୍ଚାୟତ ନଳଚନ୍ଦ୍ରପୁର ଗାଁରେ । ମୃତ ବ୍ୟକ୍ତି ଜଣଙ୍କ ହେଲେ ପ୍ରଫୁଲ୍ଲ ସାହୁ ।
ଗତକାଲି ହାତୀ ପ୍ରଫୁଲ୍ଲଙ୍କ ବିଲରେ ଧାନ ଫସଲ ନଷ୍ଟ କରୁଥିଲା । ହାତୀକୁ ଘଉଡାଇବାକୁ ପ୍ରଫୁଲ୍ଲ ବିଲରେ ପହଞ୍ଚି ଥିଲେ । ଏହି ସମୟରେ ହାତୀଟି ତାଙ୍କ ଆଡ଼କୁ ଦୌଡ଼ି ଆସି ଦଳି ଦେଇଥିଲା । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଯାଇଥିଲା । ପ୍ରଫୁଲ୍ଲଙ୍କ ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା । ମୃତକଙ୍କ ପରିବାରକୁ କ୍ଷତିପୂରଣ ଦେବା ଦାବି କରିଛନ୍ତି ସ୍ଥାନୀୟ ଲୋକେ । ପୋଲିସ ଓ ବନ ବିଭାଗ ପହଞ୍ଚି ବୁଝାଶୁଝା କରିବା ସହ କ୍ଷତିପୂରଣ ଦେବା ପାଇଁ ପ୍ରତିଶ୍ରୁତି ଦେବା ପରେ ଉତ୍ତେଜନା କମିଛି ।