ଓଡ଼ିଶା ଡଟ୍ ନ୍ୟୁଜ୍

10/11/2024 at 2:31 PM

ବୌଦ୍ଧ: ପୁଅକୁ ଟ୍ୟୁସନରୁ ନେଇ ଫେରିବା ବେଳେ ବାପାଙ୍କୁ ଛୁରାମାଡ଼ । ବୌଦ୍ଧ ଟାଉନ୍ ଥାନା ସୁଦସାହିରେ ଘଟିଛି ଘଟଣା । ଆହତ ବ୍ୟକ୍ତି ହେଲେ ସରୋଜ ପଟ୍ଟନାୟକ । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଅଭିଯୋଗ ଅନୁସାରେ, ବଢ଼ିଗା ଗାଁର ସରୋଜ ସବୁଦିନ ପରି ଗତକାଲି ପୁଅକୁ ଟ୍ୟୁସନରେ ଛାଡିବା ସହ ଆଣିବାକୁ ଯାଇଥିଲେ । ଟ୍ୟୁସନ ସରିବା ପରେ ପୁଅକୁ ଧରି ଘରକୁ ଫେରିବା ପାଇଁ ବାଇକ ଷ୍ଟାର୍ଟ କରୁଥିଲେ । ଏହି ସମୟରେ କିଛି ଦୁର୍ବୃତ୍ତ ଆସି ତାଙ୍କୁ ପଛପଟୁ ଛୁରାମାଡ଼ କରି ଚମ୍ପଟ ମାରିଥିଲେ ।
ସ୍ଥାନୀୟ ଲୋକେ ସରୋଜଙ୍କୁ ଉଦ୍ଧାର କରି ବୌଦ୍ଧ ଜିଲ୍ଲା ଚିକିତ୍ସାଳୟରେ ଭର୍ତ୍ତି କରିଥିଲେ । ତେବେ କିଏ ଓ କାହିଁକି ସରୋଜଙ୍କୁ ଆକ୍ରମଣ କଲେ ତାହା ଅସ୍ପଷ୍ଟ ରହିଛି । ପୂର୍ବ ଶତ୍ରୁତା ନା ଅନ୍ୟ କିଛି କାରଣ ରହିଛି ତାହା ଜଣାପଡ଼ିନାହିଁ । ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି ।