ପ୍ରଦୀପ କୁମାର ନାୟକ14/11/2024 at 7:19 PM
ଚିପିଲିମା,ପବିତ୍ର ପୁଣ୍ୟ କାର୍ତ୍ତିକ ଚତୁର୍ଦ୍ଧଶୀ ପାଳନ ତଥା ବିଶ୍ୱ କଲ୍ୟାଣ ଉଦ୍ଧେଶ୍ୟରେ ଚିପିଲିମା ସ୍ଥିତ ଚନ୍ଦ୍ରଶେଖର ବାବା ମନ୍ଦିରରେ ଏକ ଦିବସୀୟ ନାମଯଜ୍ଞ ସମାରୋହ ମଧ୍ୟରେ ଅନୁଷ୍ଠିତ ହୋଇଯାଇଛି l ଏହି ଅବସରରେ ପ୍ରସନ୍ନ ସାହୁ ଓ ପି କାମରାଜୂ ସପତ୍ନୀକ କର୍ତ୍ତା ଦାୟିତ୍ୱ ସମ୍ପାଦନ କରିଥିବାବେଳେ, ପଣ୍ଡିତ ପ୍ରଫୁଲ୍ଲ କୁମାର ନାୟକ ପୂଜକାର୍ଯ୍ୟ ସମ୍ପାଦନ କରିଥିଲେ l ରୀତିନୀତି ମଧ୍ୟରେ ରାଧାକୃଷ୍ଣଙ୍କ ପୂଜା, ହବନ,ପୂର୍ଣ୍ଣାହୁତୀ ଆରତୀ ପୁଷ୍ପାଞ୍ଜଳୀ ଆଦି ହୋଇଥିବାବେଳେ, ଦିନତମାମ “ହରେ କୃଷ୍ଣ ହରେ ରାମ ” ମହାମନ୍ତ୍ର ରେ ମନ୍ଦିର ପରିସର ମୁଖରିତ ହୋଇଥିଲା l ଶେଷରେ ସମସ୍ତ ଶ୍ରଦ୍ଧାଲୁଙ୍କୁ ଅନ୍ନଭୋଗ ବଣ୍ଟନ ହୋଇଥିଲା l ମନୋଜ ଦାଶ, ପି କାମରାଜୂ, ଲିଙ୍ଗରାଜୂ, ସୁରେଶ ବେହେରା, ତପନ ନାୟକ, ବିଶ୍ୱ ପୂଜାରୀ, ଲାଳଜୀ ସାହୁ, ପ୍ରମୁଖ ସମେତ ଅନେକ ଶ୍ରଦ୍ଧାଳୁ ସହଯୋଗ କରିଥିଲେ l