ଓଡ଼ିଶା ଡଟ୍ ନ୍ୟୁଜ୍21/11/2024 at 12:06 PM
କେନ୍ଦ୍ରାପଡ଼ା: ଟାଉନ ଥାନା ବଡ଼ହାଟରେ ଥିବା ଏକ ଲୁଗା ଦୋକାନରେ ଭୟାବହ ଅଗ୍ନିକାଣ୍ଡ । ଜଳିପୋଡ଼ି ପାଉଁଶ ହୋଇଗଲା ପୂରା ଦୋକାନ । ଦୋକାନରେ ଥିବା ଲକ୍ଷାଧିକ ଟଙ୍କାର ଲୁଗା ପୋଡ଼ି ଯାଇଛି । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ବେଳେକୁ ପୂରା ଦୋକାନ ଜଳି ଯାଇଥିଲା ।
ଆଜି ଭୋର ସମୟରେ ଲୁଗା ଦୋକାନ ନିଆଁ ଲାଗି ଯାଇଥିଲା । ସ୍ଥାନୀୟ ଲୋକେ ଏହା ଦେଖି ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ହେଲେ ସେବେଳେକୁ ଲକ୍ଷାଧିକ ଟଙ୍କା ଲୁଗା ଜଳି ପାଉଁଶ ହୋଇଯାଇଥିଲା । ଦୋକାନରେ କିପରି ନିଆଁ ଲାଗିଲା ଜଣାପଡ଼ିନାହିଁ । ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ସନ୍ଦେହ କରାଯାଉଛି ।