ଓଡ଼ିଶା ଡଟ୍ ନ୍ୟୁଜ୍

22/11/2024 at 1:52 PM

ଭୁବନେଶ୍ବର: ଏକ ତରଫା ପ୍ରେମକୁ ନେଇ ରାଜଧାନୀରେ ଏକ ହସ୍ପିଟାଲ ସମ୍ମୁଖରେ ଯୁବକଙ୍କ ହାଇଡ୍ରାମା । ମଞ୍ଚେଶ୍ବରର ଏକ ଘରୋଇ ହସ୍ପିଟାଲ ସମ୍ମୁଖରେ ଏମିତି ଡ୍ରାମା ଦେଖିବାକୁ ମିଳିଛି । ଯୁବକ ଜଣଙ୍କ ଜଣେ ଯୁବତୀଙ୍କ ଧମକାଇବା ସହ ତୁ ମୋର ନହେଲେ ଆଉ କାହାର ହୋଇପାରୁବୁନି ବୋଲି କହୁଥିବା ଶୁଣିବାକୁ ମିଳିଥିଲା ।

ବିଳମ୍ବିତ ରାତିରେ ଯୁବକଙ୍କ ଏଭଳି ଚିତ୍କାର ଶୁଣି ସମସ୍ତେ ତାଜୁବ ହୋଇଯାଇଥିଲେ । ପ୍ରାୟ ୩୦ ମିନିଟ ଧରି ଚାଲିଥିଲା ଏଭଳି ହାଇଡ୍ରାମା । ତେବେ ୱାନ ସାଇଡ ଲଭ ଷ୍ଟୋରୀ ଏତିକିରେ ଥମି ନଥିଲା । ହସ୍ପିଟାଲରେ କାମ କରୁଥିବା ଜଣେ ଯୁବତୀ ପାଟି ଶୁଣି ବାହାରକୁ ଆସିବା ସହ ଯୁବକ ଜଣଙ୍କୁ ପିଟି ଚାଲିଥିଲେ । ଚାପୁଡ଼ା ଉପରେ ଚାପୁଡ଼ା ମାରି ଚାଲିଥିଲେ । କଥା ଆପୋଷ ବୁଝାମଣାରେ ଥମି ନଥିଲା ।

ଖବରପାଇ ପିସିଆର ଘଟଣାସ୍ଥଳରେ ପହଞ୍ଚି ଦୁଇପକ୍ଷକୁ ବୁଝାଶୁଝା କରି ଥାନାକୁ ଆଣିଥିଲା । ଥାନାରେ ଉଭୟ ଅଣ୍ଡରଟେକିଂ ଲେଖିଥିଲେ । ଲେଖାପଢ଼ା ପରେ ପୋଲିସ ଦୁହିଁଙ୍କୁ ଛାଡିଥିଲା ।