ଓଡ଼ିଶା ଡଟ୍ ନ୍ୟୁଜ୍

1/12/2024 at 2:08 PM

ବାଲେଶ୍ବର: ଭୋଗରାଇ ବ୍ଲକ କମର୍ଦା ଥାନା ବାଗଦା ଓ କସିଆ ଗାଁରେ ମାତିଛି ପାଗଳ ବିଲୁଆ । ଯାହାକୁ ଦେଖୁଛି ଗୋଡ଼ାଇ ଗୋଡ଼ାଇ କାମୁଡିଛି । ପାଗଳ ବିଲୁଆ କାମୁଡ଼ାରେ ୧୧ ଜଣ ଗୁରୁତର ଆହତ ହୋଇଛନ୍ତି । ୧୦ଟି ପରିବାରର ୧୧ ଜଣଙ୍କୁ ବିଲୁଆଟି କାମୁଡ଼ିଛି ।

ଆକ୍ରମଣରେ ଶିକାର ହୋଇଥିବା ବ୍ୟକ୍ତିମାନଙ୍କୁ ଆମ୍ବୁଲାନ୍ସ ଯୋଗେ ଜଳେଶ୍ୱପୁର ହସ୍ପିଟାଲରେ ଭର୍ତ୍ତି କରାଯାଇଛି । ଅନ୍ୟପଟେ ସାମାନ୍ୟ ଆହତ ହୋଇଥିବା କିଛି ବ୍ୟକ୍ତିଙ୍କୁ ପ୍ରାଥମିକ ଚିକିତ୍ସା ପରେ ଘରକୁ ପଠାଇ ଦିଆଯାଇଛି ।

ଗାଁରେ ଉତ୍ପାତ ମଚାଇଥିବା ପାଗଳ ବିଲୁଆକୁ ଧରିବାକୁ ଗାଁ ଲୋକେ ପ୍ରୟାସ ଆରମ୍ଭ କରିଛନ୍ତି । ତେବେ ବହୁ ପରିଶ୍ରମ ପରେ ବି ବିଲୁଆକୁ ଗାଁ ଲୋକେ କାବୁ କରିପାରି ନଥିବା ଜଣାପଡ଼ିଛି ।