ଓଡ଼ିଶା ଡଟ୍ ନ୍ୟୁଜ୍

11/12/2024 at 3:09 PM

ମାଲକାନଗିରି: ମାଲକାନଗିରି ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲାରେ ପୁଣି ମାଓବାଦୀଙ୍କ ଦ୍ବାରା ପୁଣି ଜଣଙ୍କୁ ହତ୍ୟା । ଏଥର ଟାର୍ଗେଯରେ ବିଜେପି ନେତା । ତାଙ୍କୁ ଘରୁ ଡାକିନେଇ ହତ୍ୟା କରିଛନ୍ତି ମାସବାଦୀ । ମୃତ ବିଜେପି କର୍ମୀ ଜଣଙ୍କ ହେଲେ ମାଣ୍ଡେରାମ ଫୁଡ଼ିଆମୀ ।

ଗତକାଲି ରାତିରେ କିଛି ସଶସ୍ତ୍ର ମାଓବାଦୀ ମାଣ୍ଡେରାମଙ୍କ ଘରକୁ ଆସି ଡାକି ନେଇଥିଲେ । ପରେ ତାଙ୍କୁ ହତ୍ୟା କରି କୁଟୁର ଥାନା ଅନ୍ତର୍ଗତ ସମନପଲ୍ଲୀ ଗାଁ ନିକଟରେ ପକାଇ ପଳାଇ ଯାଇଥିଲେ । ସ୍ଥାନୀୟ ଲୋକେ ମାଣ୍ଡେରାମଙ୍କ ଶବ ଦେଖି ପୋଲିସକୁ ଖବର ଦେବା ସହ ପରିବାର ଲୋକଙ୍କୁ ଜଣାଇଥିଲେ ।

ମାଣ୍ଡେରାମଙ୍କୁ ହତ୍ୟା କରି ଫିଙ୍ଗିଥିବା ସ୍ଥାନରେ ମାସବାଦୀମାନେ ଏକ ଚିଠି ଛାଡି ଯାଇଛି । ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହାସହ ଚିଠିକୁ ଆଧାର କରି ଘଟଣାର ତଦନ୍ତ ଆରମ୍ଭ କରିଛି । ପୋଲିସ ଇନଫର୍ମର ସନ୍ଦେହରେ ମାଣ୍ଡେରାମଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି ।