ସୌମିତ୍ରି ମେହେର12/12/2024 at 8:27 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅମରପାଲି ୟୁପିସ୍କୁଲ ରେ ଭାଷା, ସାହିତ୍ୟ ଓ ସୃଜନଶୀଳତା ଉତ୍ସବ ପାଳିତ ହୋଇଯାଇଛି I ଶିକ୍ଷକ ପ୍ରଦୀପ କୁମାର ଜଗଦଲl ଙ୍କ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ସ୍କୁଲ ର 250 ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ l ଏ ଅବସରରେ ଛାତ୍ରଛାତ୍ରୀ ମାନଙ୍କ ଦ୍ଵାରା ଚିତ୍ରାଙ୍କନ , ସୃଜନଶୀଳ ଲିଖନ , ସୁନ୍ଦର ହସ୍ତାକ୍ଷର , କୁଇଜ ଆଦି ପ୍ରତିଯୋଗୀତା ଅନୁଷ୍ଠିତ ହୋଇ କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା l ଆୟୋଜିତ ପୁରସ୍କାର ବିତରଣୀ ଉତ୍ସବରେ ହାଇସ୍କୁଲ ର ଶିକ୍ଷକ ପଦ୍ମନାଭ ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ମୁଖ୍ୟ ବକ୍ତାଭାବେ ଶିକ୍ଷକ ପ୍ରାଣବନ୍ଧୁ ସାହୁ ଯୋଗ ଦେଇଥିଲେ I ବହଳପଦର ପଞ୍ଚାୟତ ର ପୂର୍ବତନ ସମିତି ସଭ୍ୟ ପିତାମ୍ବର ସାହୁ ଓ ରାଜିବ ଦୀପ ପ୍ରମୁଖ ସମ୍ମାନିତ ଅତିଥି ଭାବେ ଉପସ୍ଥିତ ଥିଲେ l ଶିକ୍ଷକ ଶ୍ରୀ ଜଗଦଲl ଧନ୍ୟବାଦ ଅର୍ପଣ କରିଥିଲେ I