ଓଡ଼ିଶା ଡଟ୍ ନ୍ୟୁଜ୍

14/12/2024 at 11:57 AM

ବାଙ୍କୀ: ଦଗାଦିଆ ପ୍ରେମିକ । ପ୍ରେମିକା ଛାଡ଼ି ଦେବାରୁ ଭାଇରାଲ କରିଦେଲା ଅନ୍ତରଙ୍ଗ ସମୟର ଭିଡିଓ । ଅଭିଯୋଗ ପରେ ବାନ୍ଧିଲା ପୋଲିସ । ଏମିତି ଘଟଣା ଘଟିଛି କଟକ ଜିଲ୍ଲା ଟାଙ୍ଗୀ ଥାନା ଅଞ୍ଚଳରେ । ଅଭିଯୁକ୍ତ ଜଣଙ୍କ ହେଲେ ଅମୀୟ ଚକ୍ର । ତାଙ୍କୁ ଯାଜପୁରରୁ ଗିରଫ କରିଛି ପୋଲିସ ।

ମିଳିଥିବା ସୂଚନା ଅନୁସାରେ, ବାଙ୍କୀ ଅଞ୍ଚଳର ଜଣେ ଯୁବତୀଙ୍କୁ ଅମୀୟ ପ୍ରେମ କରୁଥିଲେ । ତେବେ କୌଣସି କାରଣରୁ ଯୁବତୀ ଜଣଙ୍କ ତାଙ୍କୁ ଛାଡ଼ି ଦେଇଥିଲେ ଓ ପରବର୍ତ୍ତି ସମୟରେ ଆଉ ଜଣଙ୍କୁ ଭଲ ପାଉଥିଲେ । ଯାହାକୁ ନେଇ ଅମୀୟ ଉତ୍ତ୍ୟକ୍ତ ହୋଇଯାଇଥିଲେ । ପରେ ତାଙ୍କ ପାଖରେ ଥିବା ଯୁବତୀଙ୍କ କିଛି ଅନ୍ତରଙ୍ଗ ସମୟର ଭିଡିଓକୁ ଭାଇରାଲ କରିଦେଇଥିଲେ । ଭିଡିଓ ଭାଇରାଲ ହେବା ପରେ ଯୁବତୀ ଜଣଙ୍କ ବାଙ୍କୀ ଥାନାରେ ଏତଲା ଦେଇଥିଲେ । ଘଟଣା ଗତମାସ ଘଟିଥିବା ବେଳେ ସେବେଠାରୁ ଅମୀୟ ଫେରର ଥିଲେ । ପୋଲିସ ତାଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଢ଼ାଉ କରି ମଧ୍ୟ ନିରାଶ ହୋଇଥିଲା । ତେବେ ତାଙ୍କ ଫୋନ୍ ନମ୍ବରକୁ ପୋଲିସ ଟ୍ରକ କରୁଥିଲା । ଏଥିରୁ ଅମୀୟ ଯାଜପୁର ଅଞ୍ଚଳରେ ଥିବା ପୋଲିସ ଜାଣିବାକୁ ପାଇଥିଲା । ଏହାପରେ ବାଙ୍କୀ ପୋଲିସ ଯାଜପୁରରେ ପହଞ୍ଚି ତାଙ୍କୁ ଗିରଫ କରିଛି ।