ଜଳିପୋଡ଼ି ପାଉଁଶ ହୋଇଗଲା ୬ ଏକର ଜମିର ଧାନ
ବ୍ରହ୍ମପୁର: ବହୁ ପରିଶ୍ରମ କରି ଧାନ ଫଳାଇଥିଲେ । ପାଚିବା ପରେ ଖଳାକୁ ଆଣି ଗଦା କରି ରଖିଥିଲେ । ହେଲେ ଆଜି ସକାଳୁ ହଠାତ ଧାନ ଗଦାରେ ଲାଗିଗଲା ନିଆଁ । ଚାହୁଁ ଚାହୁଁ ଆଖି ଆଗରେ ଜଳି ପୋଡ଼ି ପାଉଁଶ ହୋଇଗଲା ସବୁ ପରିଶ୍ରମର ଫଳ । ଏମିତି ଘଟଣା ଘଟିଛି ଗଞ୍ଜାମ ଜିଲ୍ଲା ଧରାକୋଟ ବ୍ଳକ କୁଶରାଵ ଗାଁରେ ।
ଚାଷୀମାନେ କ୍ଷେତରୁ ଧାନ ଅମଳ କରି ଖଳାରେ ରଖିଥିଲେ । ଗତକାଲି କିଛି ଦୁର୍ବୃତ୍ତ ସେମାନଙ୍କ ଧାନ ଗଦାରେ ନିଆଁ ଲଗାଇ ଦେଇଥିଲେ । ରାତିରେ ଧାନ ଗଦା ହୁତୁହୁତୁ ହୋଇ ଜଳୁଥିବା ଗ୍ରାମବାସୀ ଦେଖି ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ହେଲେ ନିଆଁ ଲିଭିବା ବେଳେକୁ ସବୁ ପୋଡ଼ି ନଷ୍ଟ ହୋଇଯାଇଥିଲା ।
