ରାଜାରାମ ଷଡଙ୍ଗୀ17/12/2024 at 6:14 AM
ସମ୍ବଲପୁର :ଅନ୍ୟତମ ପ୍ରମୁଖ ମ୍ୟାନେଜମେଂଟ୍ ଅନୁଷ୍ଠାନ ଆଇଆଇଏମ୍ ସମ୍ବଲପୁର ପକ୍ଷରୁ ଏନ୍ଏସ୍ଇ (ନ୍ୟାସନାଲ୍ ଷ୍ଟକ୍ ଏକ୍ସଚେଞ୍ଜ୍) ଏକାଡେମିର ମିଳିତ ସହଯୋଗରେ ଏହାର ଦିଲ୍ଲୀ କ୍ୟାମ୍ପସରେ “ବିୟଣ୍ଡ ଦି ବ୍ରାଣ୍ଡ୍: ରିଫାଇନିଂ ଷ୍ଟ୍ରାଟେଜିସ୍ ଇନ୍ ଦି ଟେକ୍ନୋଲୋଜି-ଡ୍ରାଇଭେନ୍ ଡିସରପ୍ସନ୍’ ଶୀର୍ଷକ ଏକ ଚିନ୍ତାପ୍ରବଣ ରାଉଣ୍ଡଟେବୁଲ୍ ଆଲୋଚନା ଅନୁଷ୍ଠିତ ହୋଇଯାଇଛି। ଏହି ରାଉଣ୍ଡଟେବୁଲର ଉଦ୍ଦେଶ୍ୟ ହେଉଛି ଯ ବ୍ରାଣ୍ଡଗୁଡିକ କିପରି ସେମାନଙ୍କର ବ୍ରାଣ୍ଡିଂ ରଣନୀତି, ବଜାର ସ୍ଥିତି ଏବଂ ଗ୍ରାହକ ସମ୍ପର୍କକୁ ଟେକ୍ନୋଲୋଜି ବ୍ୟବହାର କରି ପୁନଃପରିବର୍ଦ୍ଧିତ କରିପାରିବେ ଏବଂ ସେମାନଙ୍କର ସାମଗ୍ରିକ ଆଭିମୁଖ୍ୟରେ ଅନ୍ତର୍ଭୁକ୍ତ ରହିପାରିବେ ତାହାକୁ ନେଇ ଛାତ୍ରଛାତ୍ରୀ ଏବଂ ଶିଳ୍ପ ଲିଡରଙ୍କୁ ଏକତ୍ରୀତ କରିବା। ଶିଳ୍ପ ଏବଂ ଶିକ୍ଷାବିତ୍ଙ୍କ ସହ ଏହି ଆକର୍ଷଣୀୟ ରାଉଣ୍ଡଟେବୁଲ ଏପରି ଅନେକ ପଦକ୍ଷେପ ସହିତ ଯୋଡ଼ି ହୋଇଛି ଯାହା ଅନୁଷ୍ଠାନ ଶ୍ରେଣୀଗୃହରେ ଏଆଇ ପ୍ରଚଳନ କରିବା ସହିତ ପ୍ରଯୁକ୍ତିକୁ ପାଠ୍ୟକ୍ରମରେ ଅନ୍ତର୍ଭୁକ୍ତ କରିବା ପାଇଁ ଗ୍ରହଣଚରାଯାଇଛି।
ଏହି ଆଲୋଚନାର ବିଷୟବସ୍ତୁ ଇ-କମର୍ସ, ଡିଜିଟାଲ ମାର୍କେଟିଂ ଏବଂ ବ୍ରାଣ୍ଡିଂ ଭଳି ବିଭିନ୍ନ ଶିଳ୍ପର ପରିବର୍ତନ ଉପରେ ବୈଷୟିକ ଉନ୍ନତିର ପ୍ରଭାବକୁ ଅନୁଧ୍ୟାନ କରୁଛି। ମାର୍କେଟିଂରେ ମେଟାଭର୍ସର କାର୍ଯ୍ୟ, ଯୋଗାଣ ଶୃଙ୍ଖଳାର ଡିଜିଟାଲ ରୂପାନ୍ତରଣ ଏବଂ ଏଆଇ-ପରିଚାଳିତ ଗ୍ରାହକ ବୁଝାମଣାର ଏକୀକରଣ ପରି ପ୍ରମୁଖ ବିଷୟଗୁଡ଼ିକ ଏହା ଜଣାଉଛି ଯେ ସଂସ୍ଥାଗୁଡ଼ିକ କିପରି ଗ୍ରାହକଙ୍କ ଆନୁଗତ୍ୟ ବୃଦ୍ଧି କରୁଛନ୍ତି ଏବଂ ଅଭିନବତାକୁ ପ୍ରୋତ୍ସାହିତ କରୁଛନ୍ତି।
ଆଇଆଇଏମ୍ ସମ୍ବଲପୁରର ନିର୍ଦେଶକ ପ୍ରଫେସର ମହାଦେବ ଜୟସ୍ୱାଲ ଗତିଶୀଳ ବଜାର ମଧ୍ୟରେ ସ୍ଥାୟୀ ପ୍ରଭାବ ସୃଷ୍ଟି କରିବା ପାଇଁ ଉଦ୍ଦେଶ୍ୟ ଭିତିକ ଉଦ୍ଭାବନ, ଅନ୍ତର୍ଭୁକ୍ତୀକରଣ ଏବଂ ସ୍ଥିରତାକୁ ସମନ୍ୱିତ କରିବା ଉପରେ ଗୁରୁତ୍ୱାରୋପ କରିଥିଲେ। ସେ କହିଛନ୍ତି ଯେ ପରିବର୍ତନ ଆଣିବା ପାଇଁ ଏଆଇକୁ ଶିକ୍ଷା କ୍ଷେତ୍ରରେ ସାମିଲ କରିବାରେ ଆଇଆଇଏମ୍ ସମ୍ବଲପୁର ଅଗ୍ରଣୀ ରହିଛି। ଆମର ପ୍ରାରମ୍ଭିକ ଅନୁସନ୍ଧାନ ଅଧ୍ୟାପକ ଭୂମିକାକୁ ବୃଦ୍ଧି କରି ଏଆଇ କିପରି ପାରମ୍ପରିକ ଶ୍ରେଣୀଗୃହ ପରିବେଶକୁ ପରିବର୍ତନ କରିପାରିବ ତାହା ଉପରେ ଧ୍ୟାନ କେନ୍ଦ୍ରିତ କରିଥିଲା । ଗବେଷଣାର ଫଳାଫଳରୁ ଜଣାପଡିଛି ଯେ ଏଆଇ କାରଣରୁ ଶିକ୍ଷଣ ଫଳାଫଳରେ ଉଲ୍ଲେଖନୀୟ ଉନ୍ନତି ଘଟିଛି। ଶିକ୍ଷାକ୍ଷେତ୍ରରେ ଏଆଇର ପ୍ରୟୋଗ ମାଧ୍ୟମରେ ଶିଳ୍ପମାନ ସହ ସମନ୍ୱୟ ରକ୍ଷା କରି ଆଇଆଇଏମ୍ ସମ୍ବଲପୁର ଏବଂ ଏନଏସଇ ଏକାଡେମୀ ପକ୍ଷରୁ ସ୍ପେନସର୍ସ, ସପର୍ସ ଷ୍ଟପ୍, ବାଟା, ଟାଟା, କେପିଏମଜି, ଡେଲଏଟ୍, ଇଣ୍ଡିଆ ମାର୍ଟ, ଆଇଟିସି, ଆଦିତ୍ୟ ବିର୍ଲା, ଫ୍ଲିପକାର୍ଟ, ଆଇପିଇ ଗ୍ଲୋବାଲ ଇତ୍ୟାଦିର ସିଏଚଆରଓ ଏବଂ ସିଇଓଙ୍କ ସମେତ ୩୫ ଜଣ ଶିଳ୍ପ ଲିଡରାଙ୍କୁ ନେଇ ଏକ ପ୍ୟାନେଲ ଗଠନ କରାଯାଇଥିଲା। ଏହି କଥାବାର୍ତା ସମସାମୟିକ ବ୍ୟବସାୟରେ ବ୍ୟାଘାତର ତିନୋଟି ପ୍ରାଥମିକ କାରକ ହେଉଛି ଡିଜିଟାଇଜେସନ୍, ଡିକାର୍ବନାଇଜେସନ୍ ଏବଂ ଷ୍ଟାର୍ଟଅପ୍ଗୁଡ଼ିକର ଗଣତାନ୍ତ୍ରିକୀକରଣ। ଡିଜିଟାଲ୍ ଯୁଗରେ ଅନୁକୂଳତା ଏବଂ ସ୍ଥିରତାକୁ ପ୍ରୋତ୍ସାହିତ କରିବାରେ ଦୂରଦର୍ଶୀ ନେତୃତ୍ୱ, ଗ୍ରାହକ-କେନ୍ଦ୍ରୀକରଣ, ସାମାଜିକ ପ୍ରଭାବ, ପ୍ରତିଭା ଆକର୍ଷଣ ଏବଂ ବୈଷୟିକ ଭିତିଭୂମି ଉପରେ ଗୁରୁତ୍ୱାରୋପ କରି ଉଦ୍ଭାବନର ପାଂଚଟି ଗୁରୁତ୍ୱପୂର୍ଣ୍ଣ ସ୍ତମ୍ଭ ଉପରେ ଆଲୋଚନା କେନ୍ଦ୍ରୀଭୂତ ହୋଇଥିଲା।’’
ଏନଏସଇ ଏକାଡେମୀର ସିଇଓ ଅଭିଳାଷ ମିଶ୍ର ପ୍ରଯୁକ୍ତିିର ବ୍ୟବହାରର ଗୁରୁତ୍ୱ ଉପରେ ଆଲୋକପାତ କରି କହିଛନ୍ତି ଯେ, “ଆଇଆଇଏମ୍ ସମ୍ବଲପୁର ଦ୍ୱାରା ପ୍ରକାଶିତ ଉଦ୍ଭାବନ, ଅଖଣ୍ଡତା ଏବଂ ଅନ୍ତର୍ଭୁକ୍ତୀକରଣ ଭଳି ତିନୋଟି ଆଇର ଦୃଷ୍ଟିକୋଣ ସହିତ ସମାନ ଭାବରେ ନ୍ୟାସନାଲ ଷ୍ଟକ ଏକ୍ସଚେଞ୍ଜ (ଏନଏସଇ) ମଧ୍ୟ ସ୍ୱଚ୍ଛତା, ବିଶ୍ୱାସ ଓ ପ୍ରଯୁକ୍ତି ଭଳି ତିନୋଟି ଟି ପ୍ରତି ନିଜର ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରିଛି। କଳ୍ପନା କରନ୍ତୁ, ୩୦ ବର୍ଷ ପୂର୍ବେ ଦେଶର ଏକ ପ୍ରମୁଖ ପୁଞ୍ଜି ବଜାର ବିପର୍ଯ୍ୟୟ ପରେ, ସରକାର, ନୀତି ନିର୍ଦ୍ଧାରଣ, ଶିକ୍ଷା ଏବଂ ଶିଳ୍ପର କିଛି ଉଜ୍ଜ୍ୱଳ ବ୍ୟକ୍ତି ଏକାଠି ହୋଇ ନିବେଶକମାନଙ୍କ ପାଇଁ ପୁଞ୍ଜି ବଜାରରେ ପ୍ରବେଶ କରିବା ପାଇଁ ପ୍ରଥମ ଇଲେକ୍ଟ୍ରୋନିକ୍ ଟ୍ରେଡିଂ ପ୍ଲାଟଫର୍ମ ସ୍ଥାପନ କରିଥିଲେ। ମିଳିତ ଭାବେ ଏହି ନୀତିଗୁଡ଼ିକ ଏକ ସୁଦୃଢ଼, ଅନ୍ତର୍ଭୁକ୍ତ ଆର୍ôଥକ ବ୍ୟବସ୍ଥା ସୃଷ୍ଟି କରିବା ଦିଗରେ ଏନଏସଇର ଆଭିମୁଖ୍ୟକୁ ମାର୍ଗଦର୍ଶନ କରନ୍ତି। ଏହାବ୍ୟତୀତ ଏଆଇ ଏବଂ ଡିଜିଟାଲାଇଜେସନରେ ଦ୍ରୁତ ଅଗ୍ରଗତି ଦଶନ୍ଧିର ଅଭିନବତାକୁ ବର୍ଷକୁ ସଂକୁଚିତ କରିଛି ବୋଲି ସେ ମନ୍ତବ୍ୟ ଦେଇଥିଲେ। ଯେଉଁ ବ୍ୟବସାୟଗୁଡିକ ଏହି ପରବର୍ତନଗୁଡ଼ିକୁ ଗ୍ରହଣ କରନ୍ତି ସେମାନେ ସେମାନଙ୍କର ପ୍ରତିଯୋଗିତାମୂଳକ ଧାରକୁ ସୁରକ୍ଷିତ କରନ୍ତି ଏବଂ ଏକ ଅସ୍ଥିର, ଅନିଶ୍ଚିତ, ଜଟିଳ ଏବଂ ଅସ୍ପଷ୍ଟ ଦୁନିଆର ଆହ୍ୱାନଗୁଡ଼ିକରୁ ଆଗକୁ ବଢ଼ନ୍ତି।’’
ଟାଟା କଞ୍ଜ୍ୟୁମର ପ୍ରଡକ୍ଟସର ଟ୍ୟାଲେଂଟ ଆଣ୍ଡ ଲର୍ଣ୍ଣିଂ ଉପାଧ୍ୟକ୍ଷ ନିଶିତ ବଂଶଲ କହିଛନ୍ତି ଯେ, “ପ୍ରକୃତ ବ୍ୟବସାୟରେ ସଫଳତା ଲାଭଠାରୁ ଅଧିକ। ଏହା ସମାଜ ଉପରେ ଏକ ଦୀର୍ଘକାଳୀନ ସକାରାତ୍ମକ ପ୍ରଭାବ ସୃଷ୍ଟି କରିଥାଏ। ଜଣେ ସମ୍ମାନିତ ଭାରତୀୟ ଶିଳ୍ପପତି ଏବଂ ସମାଜସେବୀ ଜାମସେଦଜୀ ଟାଟାଙ୍କ ପରିକଳ୍ପନା ଅନୁଯାୟୀ, ଏହି ସମ୍ପ୍ରଦାୟ କେବଳ ଏକ ଅଂଶୀଦାର ନୁହେଁ ବରଂ ସଂଗଠନର ଅସ୍ତିତ୍ୱର ଏକ କାରଣ ସମସାମୟିକ ଗତିଶୀଳ ପରିଦୃଶ୍ୟରେ ଏକ ବ୍ରାଣ୍ଡ ଯାହା ସ୍ଥାୟୀତା ସହିତ ଅଭିନବତାକୁ ପ୍ରାଥମିକତା ଦିଏ ଏବଂ କର୍ମଚାରୀମାନଙ୍କ ପାଇଁ ଅନ୍ତର୍ଭୁକ୍ତ ଅନୁଭୂତି ପ୍ରଦାନ କରେ, ବୈଷୟିକ ଉନ୍ନତି ମାଧ୍ୟମରେ ନୁହେଁ ବରଂ ଏହାର ମୂଳ ମୂଲ୍ୟବୋଧ ମାଧ୍ୟମରେ ପାର୍ଥକ୍ୟ ସୃଷ୍ଟି କରିଥାଏ। ନିରନ୍ତରତା ଓ ବିବିଧତା ଉପରେ ଆଇଆଇଏମ୍ ସମ୍ବଲପୁରର ଗୁରୁତ୍ୱ ଶୁଣି ଖୁସି ଲାଗୁଛି।’’
ପ୍ୟାନେଲିଷ୍ଟମାନେ ଉଦୀୟମାନ ଜ୍ଞାନକୌଶଳର ଉପଯୋଗ କରି ଗ୍ରାହକଙ୍କ ମଧ୍ୟରେ ବ୍ୟକ୍ତିଗତ ଭାବବିନିମୟ, ଡିଜିଟାଲ ବିଶ୍ୱାସ ସୃଷ୍ଟି କରିବା ଏବଂ ଶୀର୍ଷ ପ୍ରତିଭାଙ୍କୁ ଆକୃଷ୍ଟ କରିବା ଏବଂ ବଜାୟ ରଖିବାରେ ଉଦ୍ଦେଶ୍ୟ-ପରିଚାଳିତ ମୂଲ୍ୟବୋଧ, ବିବିଧତା ଏବଂ ଅନ୍ତର୍ଭୁକ୍ତୀକରଣର ଗୁରୁତ୍ୱ ଉପରେ ଗୁରୁତ୍ୱ ଦେଇ ବଜାର ରଣନୀତିକୁ ପୁନଃପରିକଳ୍ପିତ କରିବା ଉପରେ ଦୃଷ୍ଟିକୋଣ ବର୍ଣ୍ଣନା କରିଥିଲେ। ଏହି ଆଲୋଚନାରେ ଦ୍ରୁତ ଗତିରେ ପରିବର୍ତିତ ବ୍ୟବସାୟିକ ଦୃଶ୍ୟପଟକୁ ଅତିକ୍ରମ କରିବା ପାଇଁ ସଂଗଠନଗୁଡ଼ିକ ପାଇଁ ରଣନୀତି ରଖାଯାଇଥିଲା।