ଓଡ଼ିଶା ଡଟ୍ ନ୍ୟୁଜ୍

24/12/2024 at 12:32 PM

କଟକ: ସାମାନ୍ୟ ବଚସାରୁ ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ । ଯୁବକଙ୍କ ତଣ୍ଟି କାଟି ଦେଲେ ଅନ୍ୟ ଜଣେ ନିଶାସକ୍ତ ଯୁବକ । କଟକ ଜିଲ୍ଲା ଆଠଗଡ଼ ବ୍ଲକ ମାଣିପୁର ଗାଁରେ ଘଟିଛି ଏହି ଅଘଟଣ । ଗୁରୁତର ଯୁବକ ହେଲେ ଢେଙ୍କାନାଳ ଜିଲ୍ଲା ଦେଓପଡ଼ା ଗାଁ ସଞ୍ଜୟ ନାଏକ । ଏହି ଘଟଣାରେ ପୋଲିସ୍‌ ଢେଙ୍କାନାଳ ଜିଲ୍ଲା ମାଣିପୁର ଗାଁର କରୁଣାକର ଦୋରଡଙ୍କୁ ଅଟକ ରଖି ପଚରାଉଚରା କରୁଛି ।

ସଞ୍ଜୟ ଜଣେ ସାଙ୍ଗଙ୍କ ସହ ମୋବାଇଲ ଠିକ୍‌ କରିବା ନିମନ୍ତେ ଆଠଗଡ଼ ଆସିଥିଲେ । ସେଠାରେ ମୋବାଇଲ ଠିକ୍‌ କରିବା ପରେ ଉଭୟ ଏକ ଦୋକାନରେ ଚା’ ପିଉଥିଲେ । ଉକ୍ତ ସମୟରେ କରୁଣାକର ସେଠାରେ ପହଞ୍ଚି ସେମାନଙ୍କୁ ଗାଳୁଗୁଲଜ କରିଥିଲେ । ଏଥିରେ ଅତିଷ୍ଠ ହୋଇ ସଞ୍ଜୟ ଘଟଣାସ୍ଥଳରୁ ଚାଲି ଯାଉଥିଲେ । ମାତ୍ର କରୁଣାକର ଅତର୍କିତ ଭାବେ ପଛ ପଟୁ ଆସି ତାଙ୍କ ବେକକୁ ବ୍ଲେଡରେ କାଟି ଦେଇଥିଲେ । ଉତ୍ତ୍ୟକ୍ତ ଲୋକେ କରୁଣାକରଙ୍କୁ କାବୁ କରି ପ୍ରବଳ ପିଟିବା ସହ ପୋଲିସ୍‌ ଜିମା ଦେଇଥିଲେ । ସଞ୍ଜୟଙ୍କ ପତ୍ନୀ ମମତାଙ୍କ ଅଭିଯୋଗକୁ ଭିତ୍ତି କରି ଆଠଗଡ଼ ଥାନା ପୋଲିସ୍‌ କରୁଣାକରଙ୍କୁ ଥାନାରେ ଅଟକ ରଖିଛି । ଏଥିସହ ଏହି ମାମଲାର ତଦନ୍ତ ଜାରି ରଖିଛି ।