ଓଡ଼ିଶା ଡଟ୍ ନ୍ୟୁଜ୍

25/12/2024 at 1:51 PM

ଗଞ୍ଜାମ: ପୈତୃକ ସମ୍ପତ୍ତି ପାଇଁ ଭାଇ ଭାଇ ମଧ୍ୟରେ ହଣାକଟା । ଘଟଣାରେ ୪ ଜଣ ଗୁରୁତର ଆହତ ହୋଇ ମେଡିକାଲରେ ଭର୍ତ୍ତି କରାଯାଇଛି । ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ ଖୋଜାପଲ୍ଲୀ ଗାଁରେ ୩ ଭାଇଙ୍କ ମଧ୍ୟରେ ହୋଇଛି ଏହି ଗଣ୍ଡଗୋଳ ।

ଅଭିଯୋଗ ଅନୁସାରେ, ପୈତୃକ ଜମିରେ ନୂତନ ଘର କରିବା ପାଇଁ ଜମି ଭାଗ ବଣ୍ଟାକୁ ନେଇ ହଣାକଟା ହୋଇଛି । ଧାରୁଆ ଅସ୍ତ୍ର ପରସ୍ପରକୁ ଆକ୍ରମଣ କରିବାରୁ ୪ ଜଣ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ ଖଲ୍ଲିକୋଟ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ସେମାନଙ୍କୁ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଛି ।

ଖବର ପାଇ ଖଲ୍ଲିକୋଟ ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଚଲାଇଛି । କିଛି ମାସ ହେଲା ଖୋଜାପଲ୍ଲୀ ଗାଁର ୩ ଭାଇ କୈଳାସ ସାହୁ, ଅନାଥ ସାହୁ ଏବଂ କବି ସାହୁଙ୍କ ମଧ୍ୟରେ ଜମି ପାଇଁ ଝଗଡା ଲାଗି ରହିଥିଲା । ଗତକାଲି ସନ୍ଧ୍ୟାରେ ଏହାକୁ ନେଇ ଯୁକ୍ତିତର୍କ ହୋଇଥିବା ବେଳେ ହିଂସାର ରୂପ ନେଇଥିଲା ।