ସୌମିତ୍ରି ମେହେର25/12/2024 at 5:22 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା ୱାଇ ଏସ୍ ଏ ବ୍ୟାଡମିଣ୍ଟନ ଟିମ୍ ଆୟୋଜିତ ଦ୍ଵିତୀୟ ସୁବଳୟା ୱାଇ ଏସ୍ ଏ ବ୍ୟାଡମିଣ୍ଟନ ପ୍ରତିଯୋଗିତା ଅନୁଷ୍ଠିତ ହୋଇ ଯାଇଛି । ଏହି ଟୁର୍ଣ୍ଣାମେଣ୍ଟରେ ତରଭାର ପ୍ରତୀକ ଓ ଦିନେଶ ଯୋଡିକୁ ୨-୧ ସେଟ ରେ ହରାଇ ସୁବର୍ଣ୍ଣପୁରର ରାଜେଶ ଓ ଅଭୟ ଯୋଡ଼ି ଚାମ୍ପିଅନ ହୋଇଥିଲେ। ବ୍ୟାଡମିଣ୍ଟନ ପ୍ରତିଯୋଗିତା କୁ ସୁବଳୟା ଡାକ୍ତଖାନାର ଡ଼ା. ଲିପୁନ କୁମାର ପ୍ରଧାନ ଓ ଯୁକ୍ତ ୨ କଲେଜର ପ୍ରିନ୍ସିପାଲ୍ ଭୋଳାନାଥ କର୍ମି ଆତିଥି ଭାବରେ ଯୋଗଦେଇ ଉଦଘାଟନ କରିଥିଲେ । ଏହି ପ୍ରତିଯୋଗିତାରେ ବଲାଙ୍ଗୀର , ବୌଦ୍ଧ , ସୁବର୍ଣ୍ଣପୁର ଓ ସମ୍ବଲପୁର ଜିଲ୍ଲାର ୨୭ ଗୋଟି ଟିମ୍ ଅଂଶଗ୍ରହଣ କରିଥିଲେ । ୱାଇ ଏସ୍ ଏ ଅନୁଷ୍ଠାନର ସମ୍ପାଦକ ସଞ୍ଜୀବ ମେହେରଙ୍କ ସଭାପତିତ୍ବରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବରେ ବୀରମହାରାଜପୁର ଉପଜିଲ୍ଲାପାଳ ଲଲାଟେନ୍ଦୁ ସି , ସମ୍ମାନିତ ଅତିଥି ଭାବରେ ଆସିଷ୍ଟାଣ୍ଟ କଲେକ୍ଟର ନରେନ୍ଦ୍ର ଭୋଇ ଓ ଡେପୁଟି କଲେକ୍ଟର ଉପେନ୍ଦ୍ର ଦାସ ପ୍ରମୁଖ ଯୋଗଦେଇ ଚାମ୍ପିଅନ ଓ ରନର୍ସ ଅପ ଦଳକୁ ଟ୍ରଫି ପ୍ରଦାନ କରିଥିଲେ । ଚନ୍ଦ୍ରମଣି ବାଘ ସଭା ସଂଯୋଜନା କରିଥିବା ବେଳେ ଟୁନା ମେହେର ଧନ୍ୟବାଦ୍ ଅର୍ପଣ କରିଥିଲେ ।ମ୍ୟାଚ୍ ଗୁଡ଼ିକୁ ଦିଲ୍ଲୀପ ମେହେର , ଗିରିଧାରୀ ହୋତା ପରିଚାଳନା କରିଥିବା ବେଳେ ଚନ୍ଦ୍ରମଣି ବାଘ୍ , ଚନ୍ଦନ ମେହେର ସ୍କୋରର ଭାବରେ କାର୍ଯ୍ୟ ସମ୍ପାଦନ କରିଥିଲେ । ୱାଇ ଏସ୍ ଏ ର ସମସ୍ତ ସଦସ୍ୟ ସହଯୋଗ କରିଥିଲେ ।