ଓଡ଼ିଶା ଡଟ୍ ନ୍ୟୁଜ୍

26/12/2024 at 12:10 PM

ଭୁବନେଶ୍ବର: ଆଜି ବିଜେଡିକୁ ୨୮ ବର୍ଷ ପୁରୁଛି । ଆଜି ଦଳ ବିଜେଡିର ୨୮ତମ ଜନ୍ମଦିନ ଧୁମଧାମରେ ପାଳନ କରୁଛି । ଶଙ୍ଖ ଭବନରେ ଆୟୋଜିତ ହୋଇଛି ରାଜ୍ୟସ୍ତରୀୟ କାର୍ଯ୍ୟକ୍ରମ । ଯେଉଁଥିରେ ବିଜେଡି ସଭାପତି ନବୀନ ପଟ୍ଟନାୟକ ଯୋଗଦେଇଥିଲେ ।

ଶଙ୍ଖ ଭବନ ସହ ରାଜ୍ୟର ସମସ୍ତ ନିର୍ବାଚନ ମଣ୍ଡଳୀରେ ବି ପ୍ରତିଷ୍ଠା ଦିବସ ପାଳନ କରାଯାଉଛି । ନବୀନଙ୍କ ନେତୃତ୍ବରେ ଗତ ୨୭ ବର୍ଷ ଧରି ଉତ୍ସର୍ଗୀକୃତ ମନୋଭାବ ନେଇ ନିଷ୍ଠାପର ଭାବେ ଜନସେବା ଯୋଗାଇ ଆସୁଛି ବିଜେଡି । ଏହି ପ୍ରତିଷ୍ଠା ଦିବସକୁ ଦଳ ସଂକଳ୍ପର ଦିନ ଭାବେ ପାଳନ କରୁଛି । ବିଜେଡିକୁ ଆହୁରି ଶକ୍ତିଶାଳୀ କରି ଲୋକଙ୍କ ପାଇଁ ସମର୍ପିତ ହେବାକୁ ଶପଥ ନେବେ ଦଳୀୟ ନେତା ଓ କର୍ମୀ ।