ଓଡ଼ିଶା ଡଟ୍ ନ୍ୟୁଜ୍3/01/2025 at 3:20 PM
ପାଟନା: ପବଜୀ ନିଶା ନେଇଗଲା ୩ ନାବାଳକଙ୍କ ଜୀବନ । ଟ୍ରେନରେ କଟି ସମସ୍ତଙ୍କ ମୃତ୍ୟୁ । ଏମିତି ଘଟଣା ଘଟିଛି ବିହାରର ବୈତିୟା ଜିଲ୍ଲାର ମୁଫାସିଲ ଥାନା ଅଞ୍ଚଳରେ । ମୁଫାସିଲ ପୋଲିସ ଷ୍ଟେସନ ଅନ୍ତର୍ଗତ ନରକାଟିଆଗଞ୍ଜ-ମୁଜାଫରପୁର ରେଳ ବିଭାଗର ମନସା ଟୋଲାରେ ଥିବା ରୟାଲ ସ୍କୁଲ ନିକଟରେ ଦୁର୍ଘଟଣା ଘଟିଛି ।
ସୂଚନାଯୋଗ୍ୟ, ପବଜୀ ଖେଳିବା ନିଶା ଏମିତି ଘାରିଥିଲା ଯେ ୩ ନାବାଳକ ସାଙ୍ଗ ଘର ପାଖ ଟ୍ରେନ୍ ଲାଇନ୍କୁ ଚାଲି ଯାଇଥିଲେ । ସେଠାରେ ସେମାନେ କାନରେ ଇୟରଫୋନ୍ ଦେଇ ଟ୍ରେନ୍ ଲାଇନ୍ରେ ବସି ପବଜୀ ଖେଳିବା ଆରମ୍ଭ କରିଦେଇଥିଲେ । ମାତ୍ର ଦ୍ରୁତ ଗତିରେ ଆସୁଥିବା ଟ୍ରେନ୍ ଶବ୍ଦ ସେମାନେ ଶୁଣି ପାରି ନଥିଲେ । ଫଳରେ ସେମାନଙ୍କ ଉପରେ ଟ୍ରେନ୍ ଚଢ଼ି ଯାଇଥିଲା ଓ ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ଘଟିଥିଲା । ଖବର ପାଇ ବରିଷ୍ଠ ପୋଲିସ୍ ଓ ରେଲୱେ ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ମୃତକଙ୍କ ପରିବାର ଲୋକେ ପହଞ୍ଚି ନିଜ ନିଜ ପିଲାମାନଙ୍କୁ ଚିହ୍ନଟ କରିଛନ୍ତି ।